13:45, 08 - قىركۇيەك 2019 | GMT +6
اباي175: يوردانيا ەلشىسى اقىن ولەڭىن قازاقشا وقىدى
نۇر-سۇلتان. قازاقپارات - يوردانيا كورولدىگىنىڭ قازاقستانداعى ەلشىسى يۋسۋف ابدۋلعاني اباي ولەڭدەرىن وقۋ ەستافەتاسىنا قاتىستى، دەپ حابارلايدى قازاقپارات.
يوردانيالىق ەلشى ەستافەتانى قازاقستاننىڭ يوردانياداعى ەلشىسى ايداربەك تۇماتوۆتان قابىل العانىن ايتىپ، ابايدىڭ «ولسە ولەر تابيعات، ادام ولمەس» اتتى ولەڭىنەن ەكى شۋماق وقىپ بەردى. سودان كەيىن اقىن شىعارماسىنىڭ ارابشا اۋدارماسىن وقىدى.
يۋسۋف ابدۋلعاني اباي ولەڭدەرىن وقۋ ەستافەتاسىن بىرىككەن اراب امىرلىكتەرىنىڭ قازاقستانداعى ەلشىسى مۋحامماد ءال-جابەرگە جولدادى.
