07:32, 29 - شىلدە 2019 | GMT +5
فينليانديادا 175 جىل بولماعان اپتاپ ىستىق تىركەلدى
نۇر-سۇلتان. قازاقپارات - فينليانديادا ەرتەدەن كەلە جاتقان، ەلدىڭ استاناسىندا ورنالاسقان مەتەورولوگيالىق ستانساسى جەكسەنبى كۇنى اۋا رايىن باقىلاۋ تاريحىندا بولماعان ەڭ جوعارى تەمپەراتۋرا - 31,8 گرادۋس ىستىقتى تىركەدى، دەپ حابارلايدى قازاقپارات فينليانديا مەتەورولوگيا ينستيتۋتىنا سىلتەمە جاساپ.
بۇل - 175 جىلدىڭ ىشىندەگى ەڭ ىستىق كۇن.
«فينليانديانىڭ ەسكى - حەلسينكيدە 175 جىلدان بەرى جۇمىس ىستەپ كەلە جاتقان كايسانيەمي مەتەوستانتسياسى ءوز تاريحىنداعى ەڭ جوعارى تەمپەراتۋرا - C31,8 ° تىركەدى. بۇدان بۇرىنعى رەكورد 1945-جىلى (31,6C) بولعان ەدى»، - دەلىنگەن حابارلامادا.
سينوپتيكتەردىڭ بولجامى بويىنشا، تاياۋ تاۋلىكتەردە فينليانديا مەن حەلسينكيدە اۋا اعىندارىنىڭ ارالاسۋى اسەرىنەن كۇننىڭ سالقىنداۋى كۇتىلۋدە.