#اباي175: قازاقستاندىق فۋتبولشىلار ابايدىڭ ولەڭىن وقىدى
پاۆلودارلىق كلۋبتىڭ پورتۋگاليالىق لەگيونەرى، ءارى كاپيتانى كارلوس فونسەكا، رۋسلان ەسىموۆ، ۋروش ۆيتاس، دميتري شميدت، تيمۋر مولدينوۆ جانە كوماندانىڭ وزگە دە ويىنشىلارى ابايدىڭ «سەنبە جۇرتقا، تۇرسا دا قانشا ماقتاپ» ولەڭىن وقىدى.
«Ertis» قازاقستان پرەمەر-ليگا كوماندالارى اراسىندا اتالمىش چەللەندجگە قاتىسقان العاشقى ۇجىم. پاۆلودارلىقتار ءارى قاراي ادەبي ەستافەتانى الماتىلىق «قايرات» پەن «اقتوبەگە» جولدادى»، - دەپ جازادى پورتال.
ەسكە سالا كەتەيىك، ابايدىڭ 175 جىلدىعىنا ارنالعان چەللەندجدى ءلايلىم شىراق ەسىمدى توعىز جاسار مەكتەپ وقۋشىسى باستاعان بولاتىن. ءارى قاراي بۇل اكسيانى ق ر پرەزيدەنتى قاسىم-جومارت توقايەۆ، بەلگىلى ءانشى ديماش قۇدايبەرگەن مەن وزگە دە تانىمال مەملەكەت جانە قوعام قايراتكەرلەرى قولدادى.
سونداي-اق «قازاقپارات» حالىقارالىق اقپارات اگەنتتىگىنىڭ ۇجىمى ەستافەتانى «Egemen Qazaqstan» گازەتىنەن قابىل الىپ، ابايدىڭ «كوزىمنىڭ قاراسى» ءانىن شىرقاعان بولاتىن. كەيىن ونى «تاتار-ينفورم» اقپارات اگەنتتىگىنە، قىرعىز رەسپۋبليكاسىنىڭ «كابار» ۇلتتىق اقپارات اگەنتتىگىنە، «Tengrinews» جانە NUR. KZ پورتالدارىنا جولداعان ەدى.