قازاقستاندىقتار بانكتەردەن 175 ك گ التىن ساتىپ العان - دانيار اقىشيەۆ

الماتى. قازاقپارات - ق ر ۇلتتىق بانكىنىڭ باسشىسى دانيار اقىشيەۆ حالىق اراسىنداعى التىن ساۋداسى باعدارلاماسىنىڭ قورىتىندىسىن مالىمدەدى، دەپ حابارلايدى قازاقپارات ءتىلشىسى.

 «2017 -جىلى مامىردا ۇلتتىق بانك حالىق اراسىندا التىن قۇيماسىن ساتۋ باعدارلاماسىن باستاعان بولاتىن. ونىڭ اياسىندا 10,20,50,100 گراممدىق قۇيمالار ساتىلىمعا شىعارىلدى. بۇگىندە ەكىنشى دەڭگەيلى بانكتەر جالپى سالماعى 175 كەلى بولاتىن التىن ساتتى. ءبىر جىلدان اسا ۋاقىت ىشىندە ءبىز جوسپارلانعان التىننىڭ بارلىعىن دەرلىك ساتتىق. سەبەبى، ءبىز باعدارلامانىڭ باسىندا 180 كەلى التىندى تارگەتتەيمىز دەپ بولجاعان ەدىك»، - دەدى دانيار اقىشيەۆ.

ونىڭ ايتۋىنشا، التىن ساۋداسىنىڭ كولەمىن ۇلعايتۋ جوسپارلانىپ وتىر.

 ودان بولەك، ادىلەت مينيسترلىگىندە تىركەلگەن سوڭ التىندى ايىرباستاۋ پۋنكتىلەرى دە ساتا الادى.

 سونىمەن قاتار، ق ر ۇلتتىق بانكى سالماعى 12-13 كەلى بولاتىن التىن قۇيمالاردى ساتىپ الۋ مۇمكىندىگىن قاراستىرىپ جاتىر.

«ءبىراق ونى ەكىنىڭ ءبىرى ساتىپ الا المايدى. ويتكەنى، التىن قۇيمالارى وتە ۇلكەن، سالماقتى. سوندىقتان، جاپپاي ەلدىڭ ءبارى وسى وپەراتسيانى پايدالانادى دەپ ايتا المايمىن»، - دەدى ۇلتتىق بانك باسشىسى.

اۆتور: گۇلميرا عوسمانالي