بىرىككەن ۇلتتار ۇيىمىنىڭ بيۋدجەتى قىسقارتىلىپ، 175 لاۋازىمى جويىلادى

استانا. قازاقپارات -  باس اسسامبلەيانىڭ وتىرىسىندا 2018-2019 -جىلدارعا ارنالعان بيۋدجەتكە ۇسىنىستار ەنگىزىلدى. انتونيۋ گۋتەرريش فورۋمنىڭ دەلەگاتتارىنا 5,4 ميلليارد ا ق ش دوللارى كولەمىندەگى قارجىنى ماقۇلداۋ تۋرالى ءوتىنىشىن ءبىلدىردى.

 ەندى ۇيىمعا مۇشە ەلدەردىڭ جارنالارىنان تۇراتىن بيۋدجەت وتكەن جىلدارعا قاراعاندا 4 پايىزعا نەمەسە 200 ميلليون دوللارعا تومەن بولماق. ۇيىمنىڭ شتات كەستەسىنە 9 مىڭ 998 لاۋازىمدى بەكىتۋ ۇسىنىلدى. بۇل -  قازىرگى قىزمەتكەرلەر سانىنان از كورسەتكىش. سول سەبەپتى 175 لاۋازىم قىسقارتىلادى.

 سونداي- اق انتونيۋ گۋتەرريش ۇيىمنىڭ ءالسىز جاقتارىن اتاپ، ىشكى ساياساتتا جانە اكىمشىلىك نۇسقاۋلاردا قايتالاناتىن فۋنكسيالاردى قىسقارتۋ كەرەكتىگىن اتاپ ءوتتى.

 انتونيۋ گۋتەرريش، ب ۇ ۇ باس حاتشىسى - مەن جەلتوقسان ايىندا انت قابىلداعاندا، ب ۇ ۇ- نىڭ رەفورمالارى ءۇشىن ۇدايى جانە ۇنەمى بارلىق ەلدەرمەن جۇمىس ىستەۋگە ۋادە بەردىم. بىرلەسە وتىرىپ، بيۋدجەت پروتسەسىن قوسا العاندا وزگەرىستەر ەنگىزە الاتىن پەرسپەكتيۆالىق ۇسىنىستار ازىرلەدىك. سىزدەرگە يدەيالارىڭىزبەن جانە رەفورماعا كورسەتكەن قولداۋلارىڭىز ءۇشىن العىس بىلدىرگىم كەلەدى.

www.24.kz