الماتىدا تاسقىن سالدارىن جويۋ بويىنشا اپاتتى-قۇتقارۋ جۇمىستارىنا 1748 ادام جۇمىلدىرىلدى - فوتو
قارعالى وزەنى جاعالاۋىن تازالاۋ جۇمىستارى جالعاسۋدا. قالپىنا كەلتىرۋ-تازالاۋ جۇمىستارى جۇرگىزىلىپ جاتىر.
اۆاريالىق-قۇتقارۋ جۇمىستارى بارىسىندا 192№ مەكتەپتىڭ جەر تولەسىنەن 40 تەكشە مەتر بالشىقتى سۋ ايدالدى.
قازىرگى ۋاقىتتا ءى ءى م بولىمشەلەرى اۆاريالىق-قۇتقارۋ جۇمىستارىن جۇرگىزۋدە، زارداپ شەككەن حالىقتىڭ ۇيلەرىن تازالاۋعا كومەك كورسەتىلۋدە.
ق ر ءى ءى م ت ج كوميتەتى اۋماقتىق بولىمشەلەرىنىڭ كۇشتەرى 25 اۋلانى تازارتىپ، 2 ءىرى قارا مال باسىن قۇتقاردى. سەل باسقان ۋچاسكەدەن 4 كولىك ەۆاكۋاتسيالاندى.
قۇرىلعان قابىلداۋ پۋنكتتەردە (176№ مەكتەپ، ناۋرىزباي اۋدانى اكىمدىگىندە، 185№ مەكتەپتە، العاباس شاعىن اۋدانىندا) ادامدار مەديتسينالىق جانە پسيحولوگيالىق كومەك الىپ، ىستىق تاماقپەن قامتاماسىز ەتىلۋدە. بۇدان باسقا 55 ادام 4 قوناقۇيگە ورنالاستىرىلدى.
اپات مەديتسينا ورتالىعىنىڭ 6 بريگاداسى، جەدەل مەديتسينالىق كومەك كەزەكشىلىگى جالعاسۋدا، دارىگەرلەر مەن پسيحولوگتار جۇمىس ىستەۋدە.
توناۋدىڭ الدىن الۋ ماقساتىندا ۇلتتىق گۆارديا كۇشتەرى ناۋرىزباي اۋدانىن كۇزەتۋدى جۇزەگە اسىرۋدا.
ناۋرىزباي، الاتاۋ اۋدانىندا 127 تۇرعىن ءۇي «سماك» زاۋىتىنىڭ اۋماعى مەن ۇڭعىمانى سەل باستى.
7 كوپىر مەن جۇرگىنشى جولدار قيرادى. ولاردىڭ ىشىندە 3 كوپىر حالىقتىڭ وتۋىنە كەدەرگى كەلتىرۋدە، 3 كوپىردە اينالما جول بار، بىرەۋى اپاتتى جاعدايدا. ىرگەتاسى شايىلىپ كەتتى، قۇلاۋ قاۋپى بار. ەلەكتر بەرۋ جەلىسىنىڭ 27 تىرەگىن سەل شايدى. 3000 ابونەنت جارىقسىز قالدى. قالپىنا كەلتىرۋ جۇمىستارى جالعاسۋدا.
اۆاريالىق-قۇتقارۋ جۇمىستارىنا بارلىعى 1748 ادام، 308 بىرلىك تەحنيكا، 3 تىكۇشاق تارتىلدى.
