سارايشىقتىڭ 1741 جىلعى جوسپارى رەسەيدەن تابىلدى
اتىراۋ. قازاقپارات - اتىراۋ وبلىسىنداعى ورتاعاسىرلىق سارايشىق قالاشىعىنىڭ 1741 جىلعى جوسپارى رەسەي مەملەكەتتىك اسكەري-تاريحي ارحيۆىنەن تابىلدى، دەپ حابارلايدى قازاقپارات.
بۇل تۋرالى اتىراۋ وبلىستىق «تاريحي جانە مادەني مۇرانى زەرتتەۋ» ورتالىعىنىڭ جەتەكشىسى مۇقامبەتقالي كيپيەۆ حابارلادى.
ونىڭ ايتۋىنشا، قۇندى قۇجاتتىڭ ماسشتابى – 50، بەتىندەگى ماتىندەر ХVІІІ عاسىردىڭ ءبىرىنشى جارتىسىندا قولدانعان شاپشاڭ جازۋ ۇلگىسىمەن بەرىلگەن.
«جوسپار سارايشىق قالاشىعىنىڭ جانىنان بەكىنىس سالۋ ءۇشىن جاسالعان. ويتكەنى، ورىنبور كوميسسياسىن باسقارعان ۆ. تاتيشيەۆ جايىق (ورال) قالاشىعىنان تومەن اۋماقتى قورعاۋ ماقساتىندا قامالدار مەن بەكىنىستەر سالۋدى جوسپارلاعان. وعان اسكەري پولك جانە دۆوريانداردى تارتۋ جوباسى 1739-جىلى ماقۇلدانعان. ءدال وسى جوبا اياسىندا بۇل جوسپار جاسالعان بولۋى مۇمكىن»، - دەيدى مۇقامبەتقالي كيپيەۆ.
