09:32, 13 - قىركۇيەك 2015 | GMT +6
قىتايلىق تيانجيڭدە بولعان جارىلىس قۇرباندارىنىڭ سانى 173 ادامعا جەتتى
استانا. قازاقپارات - قۇتقارۋشىلار 12 -تامىز كۇنى سولتۇستىك قىتايداعى تيانجيڭ قالاسىندا بولعان جارىلىستاردان كەيىن ءىز- ءتۇسسىز جوعالعان بولىپ ەسەپتەلگەن سەگىز ادامنىڭ مەرت بولعانىن انىقتادى.
بۇل تۋرالى ت ا س س جازادى.
«جۇڭگو شيڭنيان باۋ» گازەتىنىڭ حابارلاۋىنشا، قايعىلى وقيعا قۇرباندارىنىڭ جالپى سانى 173 ادامعا جەتكەن.
وقيعا سالدارىنان تاعى 800 گە جۋىق ادام جاراقاتتاندى.
زارداپ شەككەن 224 ادام ءالى دە اۋرۋحانالاردا جاتىر، ولاردىڭ بەسەۋى وتە اۋىر نەمەسە اۋىر جاعدايدا. جارالانعان 574 ادام ەمدەۋ الىپ ۇيلەرىنە جىبەرىلدى.
جارىلىستار «جۋيحاي» لوگيستيكالىق كومپانياسىنىڭ قويماسىندا ورىن العان. سوققى تولقىنى 2 شاقىرىم راديۋسىنداعى تۇرعىن ۇيلەردىڭ شىنىلارىن سىندىرىپ، 1 مىڭنان استام كولىكتى ءبۇلدىردى. قۋاتتىلىعى تروتيل ەكۆيۆالەنتىندە 3 تونناعا باعالاناتىن جارىلىستان كەيىن وقيعا اۋدانىندا كۇشتى ءورت باستالدى. ودان كەيىن قويمادا تاعى بىرنەشە جارىلىس ورىن الدى، ولاردىڭ ىشىندە ەڭ كۇشتىسىنىڭ قۋاتتىلىعى 21 توننا تروتيلگە بالانادى.