بيىل 172 مىڭنان استام تۇلەك مەكتەپ بىتىرەدى
«وقۋ- اعارتۋ ءمينيسترىنىڭ بۇيرىعىنا سايكەس مەكتەپتەردە وقۋ مەرزىمى 2023 -جىلدىڭ 31- مامىرىندا اياقتالادى.
مەكتەپتەر سالتاناتتى شارا وتكىزۋ تۋرالى شەشىمدى دە وزدەرى دەربەس قابىلدايدى. وقۋ- اعارتۋ مينيسترلىگى سوڭعى قوڭىراۋ وتكىزۋگە قاتىستى بارلىق مەكتەپ داستۇرلەرىن قولدايدى. سونىمەن قاتار، مينيسترلىكتىڭ ءنورماتيۆتى قۇجاتتارىندا مۇنداي شارالار بۇرىن بولماعان جانە ءقازىر دە جوق ەكەنىن اتاپ وتسەم دەيمىن»، - دەدى ۆيتسە- مينيستر.
ونىڭ ايتۋىنشا، بيىل 288 مىڭنان استام تۇلەك 9-سىنىپتى ءتامامداعالى وتىر.
«بيىل 18 مىڭنان استام مەكتەپكە دەيىنگى، ورتا ءبىلىم بەرۋ، تەحنيكالىق جانە كاسىپتىك ءبىلىم وشاقتارى بيىلعى وقۋ جىلىن اياقتاۋعا ازىرلىك ۇستىندە. بۇل ۇيىمداردا بيىلعى وقۋ جىلىندا 5 ميلليوننان استام وقۋشىلار مەن تاربيەلەنۋشىلەر ءبىلىم، تاربيە الدى. وسى جىلى 288 مىڭنان استام تۇلەك 9-سىنىپتاردى ءتامامداۋدا، ولار الداعى ۋاقىتتا 10-سىنىپتى جالعاستىرۋ نەمەسە كوللەدجگە ءتۇسۋ تۋرالى شەشىم قابىلدايتىن بولادى. 11-سىنىپتاردى بارلىق مەنشىك تۇرىندەگى مەكتەپتەر بويىنشا 172 مىڭنان استام تۇلەك بىتىرۋدە. ولار ەندى بولاشاق ماماندىقتارىن تاڭدايدى»، - دەدى شولپان كارينوۆا.