بيىلعى جىلدىڭ ءبىرىنشى جارتىجىلدىعىندا اسكەري سوتتار 171 تۇلعانى سوتتادى
بۇل تۋرالى بۇگىن اعىمداعى جىلدىڭ ءبىرىنشى جارتىجىلدىعىن قورىتىندىلاۋعا ارنالعان باسپا ءسوز ءماسليحاتىندا ق ر اسكەري سوتىنىڭ ءتوراعاسى ساكەن ابدۋللايەۆ ءمالىم ەتتى.
«اعىمداعى جىلدىڭ العاشقى جارتىجىلدىعىندا قازاقستان رەسپۋبليكاسىنىڭ اسكەري سوتتارىمەن 171 تۇلعا سوتتالدى. سونىڭ ىشىندە ناقتى باس بوستاندىعىنان ايىرىلعاندار سانى 36 تۇلعانى قۇرايدى. بۇل رەتتە جازالاۋ پراكتيكاسىنىڭ ۇلەسى 21 پايىزدى قۇرايدى»، - دەدى باسقوسۋدا سوت ءتوراعاسى ساكەن ابدۋللايەۆ.
ونىڭ ايتۋىنشا، وتكەن كەزەڭدە اپەللياتسيالىق ينستانتسيامەن سوت ۇكىمدەرىنىڭ كۇشىن جويۋ ورىن العان جوق، ال التى ءىس بويىنشا التى تۇلعاعا ۇكىم وزگەرتىلگەن. ال كاسساتسيالىق ينستانتسيامەن ءبىر ۇكىم وزگەرتىلسە، ءبىرىنشى ينستانتسيانىڭ قاراعان ون ءبىر ءىسى بويىنشا ۇكىمدەر وزگەرتىلدى.
اۆتور: قانات مامەتقازى ۇلى
