باتىس قازاقستان وبلىسىندا 1718 شەتەلدىك ازامات جاۋاپقا تارتىلدى
بۇل تۋرالى وبلىس پروكۋرورى سەرىك قارامانوۆتىڭ ءتوراعالىق ەتۋىمەن وتكەن ب ق و قۇقىق قورعاۋ ورگاندارى ۇيلەستىرۋ كەڭەسىنىڭ كەزەكتى وتىرىسىندا ايتىلدى.
ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، وسى مەرزىمدە كوشى-قون زاڭدىلىعىن بۇزعانى ءۇشىن 1718 شەتەلدىك نەمەسە ۋاقىتشا تىركەلگەندەردىڭ 10 پايىزى اكىمشىلىك جاۋاپكەرشىلىككە تارتىلدى.
113 شەتەلدىك قازاقستان اۋماعىنان شىعارىلدى. سونداي-اق جىل باسىنان بەرى سوتقا دەيىنگى 28 ءىس جۇرگىزىلسە، سونىڭ 13 ءى - ق ر ق ك 392-بابى (ق ر مەملەكەتتىك شەكاراسىن زاڭسىز كەسىپ ءوتۋ)، 12 ءسى - ق ر ق ك 393-بابى (سوتتىڭ شىعارۋ تۋرالى شەشىمىن ورىنداماۋ)، بىرەۋى - ق ر ق ك 394-بابى (زاڭسىز كوشى-قوندى ۇيىمداستىرۋ)، ەكەۋى ق ر ق ك 395-بابى (شەتەل جۇمىس كۇشىن زاڭسىز بىرنەشە رەت پايدالانۋ) بويىنشا تىركەلدى.
توعىز ايدا شەتەل جۇمىس كۇشىن تارتۋ جانە پايدالانۋ ەرەجەسىن بۇزعانى ءۇشىن ق ر اكىمشىلىك قۇقىق بۇزۋشىلىق كودەكسى 519-بابىنا سايكەس 78 جۇمىس بەرۋشى اكىمشىلىك جاۋاپكەرشىلىككە تارتىلدى، بۇل بىلتىرعىدان (59) الدەقايدا كوپ.
ۇيلەستىرۋ كەڭەسىنىڭ وتىرىسىندا زاڭسىز كوشى-قونعا توسقاۋىل قويۋ باعىتىندا بىرلەسكەن ءىس-قيمىلدى كۇشەيتۋ قاجەتتىگى اتاپ كورسەتىلدى.
اۆتور: ەلجان ەرالى
