03:01, 05 - تامىز 2014 | GMT +5
قازىنا ىزدەگەندەر 1715 - جىلى سۋعا باتقان كەمەنىڭ التىن قازىناسىن تاپتى
استانا. قازاقپارات - فلوريدانىڭ قازىنا ىزدەگەن جانۇياسى يسپاندىق گالەوننىڭ التىن بۇيىمىن تاپقانىن حابارلادى.
شميتتىڭ جانۇياسى ورلاندودا WKMG ارناسىندا حابارلاندىرۋ جاسادى.
ولاردىڭ ايتۋىنشا، 1715 - جىلى پيرس فورتىنىڭ ماڭىندا باتىپ كەتكەن كەمەدە بولعان التىن بۇيىمدى تاپقان. كەمە لاتىن امەريكاسىنداعى كولونيادان يسپانياعا التىن تاسىمالداعان كەزىندە باتىپ كەتكەن، دەپ جازدى Noticia پورتالى.
بۇل مۇنداعى التىن بۇيىمدار تابىلۋىنىڭ العاشقى جاعدايى ەمەس. وتكەن جىلى فلوريدا تۇرعىندارى قۇنى جارتى ميلليون دوللاردى قۇرايتىن التىن القا مەن شاقالاردى تاپقان، دەلىنگەن امەريكاندىق اقپارات كوزدەرىندە.
شميتت وتباسىنىڭ فلوريدا ايماعىندا قازىنا ىزدەيتىن ارنايى كومپانياسى بار.
"وسىدان پايدا تابۋ ماقساتىن الدىمىزعا قويمادىق. بۇل ءبىزدىڭ سۇيىكتى ءىسىمىز. تاريحتى قالپىنا كەلتىرمەكپىز "، - دەدى حيللاري شميتت.
