اركتيكادا 170 جىل بۇرىن سۋعا كەتكەن تانىمال كەمە تابىلدى
"ەرەبۋس" جانە "تەررور" كەمەلەرىنە مىنگەن بريتاندىق تەڭىز وفيتسەرى دجون فرانكليننىڭ جەتەكشىلىگىندەگى جوعالعان ەكسپەديتسيا اتلانت مۇحيتىنان تىنىق مۇحيتىنا اركتيكا ارقىلى جول اشپاق بولعان. فرانكلين جانە ونىڭ ەكيپاجى - 128 تەڭىزشى 1845 -جىلدىڭ مامىر ايىندا بريتانيادان ءجۇزىپ كەتكەن. سول جىلى تامىز ايىندا ولار تۋرالى سوڭعى حابار كەلگەن جانە ەكسپەديتسيانىڭ كەيىنگى تاعدىرى بەلگىسىز.
جەكسەنبى كۇنى Arctic Research Foundation زەرتتەۋ ۇيىمىنىڭ ماماندارى قاشىقتىقتان باسقارىلاتىن سۇڭگۋىر قايىق كومەگىمەن اركتيكالىق شىعاناقتاردىڭ بىرىنە باتىپ كەتكەن ەكىنشى كەمەنى تاپتى.
«ءبىز كايۋت- كومپانياعا كىرە الدىق، بىرنەشە كايۋتادا بولدىق. ازىق- تۇلىك قويماسىنا بارىپ، كونسەرۆ قۇتىسىن جانە ەكى بوتەلكە شاراپ تاپتىق. ۇستەلدەر مەن سورەلەر بوس. قوزعالاتىن جاشىكتەرى بار ۇستەل تاپتىق» ، - دەدى Martin Bergmann زەرتتەۋ كەمەسىندەگى ۇيىم جەتەكشىلەرىنىڭ ءبىرى.
امەريكالىق جازۋشى دەن سيممونستىڭ تانىمال «تەررور» رومانى دجون فرانكليننىڭ جوعالعان ەكسپەديتسياسىنا ارنالعان.
