18:43, 03 - قاراشا 2015 | GMT +5
تۇركيانىڭ بەدەلدى جۋرنالى تۇتاس نومەرىن ۇلى اقىن اباي قۇنانبايەۆتىڭ 170 جىلدىق مەرەيتويىنا ارنادى
استانا. قازاقپارات - تۇركيانىڭ بەدەلدى جۋرنالى تۇتاس نومەرىن ۇلى اقىن اباي قۇنانبايەۆتىڭ 170 جىلدىق مەرەيتويىنا ارنادى.
بۇل تۋرالى ءسۇيىنشى حاباردى بەلگىلى جازۋشى، دراماتۋرگ، حالىقارالىق «الاش» ادەبي سىيلىعىنىڭ لاۋرەاتى دۋمان رامازان ءوزىنىڭ فەيسبۋكتاعى جەكە پاراقشاسىندا حابارلادى.
«تۇركيانىڭ بەدەلدى «كوروعلى» جۋرنالى ۇلى اقىنىمىز اباي اتامىزدىڭ 170 جىلدىق مەرەيتويىنا وراي تۇتاس نومەرىن ارناپتى.. . وسىنى سۇيىنشىلەپ جەتكىزگەن باسىلىمنىڭ باس رەداكتورى ومار مەھمەتزادە باۋىرىمىزعا مىڭ دا ءبىر راحمەت! ءجۇز جاساڭىز، ومار مىرزا!» - دەپ جازىلعان جازۋشىنىڭ پاراقشاسىندا.
ايتا كەتەيىك، «كوروعلى» جۋرنالى - تۇركيانىڭ ەسكىشاحار قالاسىندا اي سايىن شىعىپ تۇراتىن ءىرى باسىلىمدارىنىڭ ءبىرى. باس رەداكتورى - جازۋشى، اۋدارماشى ومار مەھمەتزادە كۇچۇكمەحمەتوعلۋ.
