08:08, 26 - قازان 2015 | GMT +5
باكۋدە ۇلى اقىن اباي قۇنانبايەۆتىڭ 170 جىلدىعىن اتاپ ءوتتى
باكۋ. قازاقپارات - باكۋ مەملەكەتتىك ۋنيۆەرسيتەتىندە قازاقتىڭ ۇلى اقىنى اباي قۇنانبايەۆتىڭ 170 جىلدىعىنا ارنالعان شارا ءوتتى.
وسى شارا اياسىندا ب م ۋ- عا بارعان وسكەمەن قالاسىنداعى شىعىس قازاقستان مەملەكەتتىك ۋنيۆەرسيتەتىنىڭ ماگيسترانتى گۇلدەن توناشانوۆا «اباي قۇنانبايەۆ شىعارماشىلىعىنداعى جول پوەتيكاسى» تاقىرىبىنداعى ەڭبەگىنىڭ تۇساۋكەسەرىن وتكىزدى. ب م ۋ تۇركى ادەبيەتى كافەدراسىنىڭ پروفەسسورى فيرۋزا اگايەۆا قازاق ادەبيەتىنىڭ دامۋىنداعى اباي قۇنانبايەۆتىڭ ءرولى جونىندەگى بايانداما جاسادى.
سونىمەن قاتار، گ. توناشانوۆا «تۇرىك حالقىنىڭ ادەبيەتى» كۋرسى اياسىندا قازاق ادەبيەتىن مەڭگەرىپ جاتقان ب م ۋ فيلولوگيا فاكۋلتەتىنىڭ 3 كۋرس ستۋدەنتتەرىنە اباي قۇنانبايەۆتىڭ شىعارماشىلىعى جونىندەگى ءدارىس وقىپ، ب م ۋ جانىنداعى اباي قۇنانبايەۆ اتىنداعى قازاق مادەنيەتى ورتالىعىندا بولدى.
