13:34, 20 - تامىز 2015 | GMT +5
ءبىر تاۋلىكتە 170 شەكارا بۇزۋشى ۇستالدى
استانا. قازاقپارات - سارى اعاش شەكارا وتريادىنىڭ شەكاراشىلارى وتكەن تاۋلىك ىشىندە 170 شەكارا بۇزۋشىنى انىقتاپ، 1 كونتراباندالىق جۇكتى ۇستادى، دەپ حابارلادى ق ر ۇ ق ك ش ق باسپا ءسوز قىزمەتىنەن.

اتاپ ايتقاندا، وتريادتىڭ باقىلاۋ- وتكىزۋ بەكەتتەرىندە كوشى-قون زاڭدىلىعىن بۇزعان 101 وزبەكستان ازاماتى ۇستالدى (ق ر بولۋ ءتارتىبىن بۇزعاندار). بارلىق زاڭ بۇزۋشىلار اكىمشىلىك جاۋاپكەرشىلىككە تارتىلدى.
وترياد ۋچكاسكەسىندە جۇرگىزىلگەن ارنايى رەيدتىك ءىس- شارالار كەزىندە ق ر كوشى-قون زاڭدىلىعىن بۇزعان وزبەكستان رەسپۋبليكاسىنىڭ 65 ازاماتى ۇستالدى. ۇستالعانداردىڭ بارلىعى اكىمشىلىك جاۋاپكەرشىلىككە تارتىلدى.
«قازىعۇرت» شەكارا زاستاۆاسىنىڭ اۋماعىندا قىزمەتتىك ءيتتىڭ كومەگىمەن 4 بىردەي وزبەكستان ازاماتى ۇستالدى، ولار ءبىزدىڭ ەلىمىزدەن وزبەكستانعا جاياۋ- جالپىلاپ كەتپەك بولعان. مەملەكەتتىك رەجىمدى بۇزعان 4 ازامات ق ر اكىمشىلىك- قۇقىقبۇزۋشىلىق كودەكسىنىڭ 514-بابىنىڭ 2-تارماعى بويىنشا جاۋاپكەرشىلىككە تارتىلدى.