تاۋەلسىزدىك العالى بەرى الماتى وبلىسىنا 170 مىڭ ورالمان كەلدى
ورالمانداردىڭ كوپشىلىگى اۋىل شارۋاشىلىعىمەن جانە ساۋدامەن اينالىسادى.
ونىڭ مالىمەتىنشە، 2014 - جىلى جالپى سانى 1624 ادامنان تۇراتىن 918 وتباسىعا ورالمان مارتەبەسى بەرىلدى.
«وبلىسىمسزدا ەلگە ورالعان قازاقتاردىڭ 51,3 پايىزى - وزبەكستاننان، 46 پايىزى - قىتايدان، 1,2 پايىزى - موڭعوليادان، ال قالعاندارى پاكىستان، تۇركيا، قىرعىزستان، تاجىكستان، تۇرىكمەنستان جانە رەسەيدەن كەلگەندەر، - دەيدى ناۋرىزبايەۆا. - 1624 ورالماننىڭ باسىم بولىگى، ياعني 1200 ى ەڭبەككە قابىلەتتى. ولاردىڭ 852 سى جۇمىسپەن قامتىلعان، ال 338 ى - جۇمىسسىز».
اكىمدىكتىڭ مالىمەتىنشە، ورالماندار نەگىزىنەن كاسىپكەرلىكپەن جانە ماۋسىمدىق جۇمىستارمەن اينالىسادى. ناۋرىزبايەۆانىڭ ايتۋىنشا، 2014 - جىلى 7 ادام تۇراقتى جۇمىسقا ورنالاستىرىلدى، ال ءتورت ورالمان قوعامدىق قىزمەتكە جىبەرىلدى. «2015 - جىلدىڭ باسىنان بەرى تۇراقتى تۇرۋ ءۇشىن وزبەكستاننان ءبىر ادام كەلدى، وعان ورالمان مارتەبەسى بەرىلدى»، - دەيدى ول.
ناۋرىزبايەۆانىڭ مالىمەتىنشە، 1991 - جىلدان قازىرگە دەيىن الماتى وبلىسىنا 52784 ەتنيكالىق قازاق وتباسى كوشىپ كەلدى. بۇل وتباسى مۇشەلەرىنىڭ جالپى سانى - 173706 ادام. ورالمانداردى ورنالاستىراتىن نەگىزگى ايماقتار وڭتۇستىك قازاقستان (21,2 پايىز)، الماتى (16 پايىز)، ماڭعىستاۋ (12,9 پايىز) جانە جامبىل (9,4 پايىز) وبلىستارى ەكەنى بۇعان دەيىن حابارلانعان بولاتىن.
ايتا كەتەيىك، ەندى ورالماندار قازاقستان ازاماتتىعىن ءبىر جىلدىڭ ىشىندە الا الادى. بۇرىن زاڭنامادا ورالماندار ءتورت جىل ەلىمىزدە ۋاقىتشا تۇراتىندار رەتىندە، ودان كەيىن ازاماتتىق الۋعا ءۇش جىل مەرزىم بەرۋ قاراستىرىلعان بولاتىن. سونىمەن قاتار، بيلىك ەتنوستىق قازاقتارعا ارناپ جاڭا الەۋمەتتىك پاكەت ەنگىزگەلى جاتىر.
