قاڭتارداعى جاپپاي تارتىپسىزدىك كەزىندە 1700 ادام جاپا شەككەن

None
None
نۇر-سۇلتان. قازاقپارات - قاڭتار وقيعاسى بويىنشا 1700 جەكە جانە زاڭدى تۇلعا قىلمىستىق ىستەر بويىنشا جابىرلەنۋشى دەپ تانىلدى.

ق ر ىشكى ىستەر مينيسترلىگى تەرگەۋ دەپارتامەنتىنىڭ باستىعى سانجار ءادىلوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي ستاتيستيكا كەلتىردى، دەپ حابارلايدى قازاقپارات ءتىلشىسى.

«بارلىعى 1700 جەكە جانە زاڭدى تۇلعا قىلمىستىق ىستەر بويىنشا جابىرلەنۋشى بولىپ تانىلدى. 13 مىڭنان استام ازاماتتان كۋا جانە جابىرلەنۋشى رەتىندە جاۋاپ الىندى. 2400 نان استام ساراپتاما تاعايىندالدى. پوليتسيا ورگاندارىنىڭ جۇمىسى، ەڭ الدىمەن، زارداپ شەككەن ازاماتتارعا، بيزنەس وكىلدەرىنە جاردەم كورسەتۋگە جانە كەلتىرىلگەن زالالدىڭ ورنىن تولتىرۋ بويىنشا شارالارعا باعىتتالعانىن ەرەكشە اتاپ وتكىم كەلەدى. وسى ماقساتتا ازاماتتاردىڭ جانە كاسىپكەرلىك سۋبەكتىلەردەن ۇرلانعان مۇلىكتى تابۋ جانە الۋ بويىنشا قارقىندى جۇمىس جۇرگىزىلىپ جاتىر»، - دەگەن ءى ءى م وكىلى بۇگىنگى تاڭدا سوماسى 338 ميلليون تەڭگەنى قۇرايتىن ۇرلانعان مۇلىك تاركىلەنگەنىن اتاپ ءوتتى.

«ونىڭ ىشىندە 12 اۆتوماشينا، 319 تۇرمىستىق تەحنيكا، 189 زەرگەرلىك بۇيىم، 286 ۇيالى تەلەفون، 546 كيىم، 16 ميلليون تەڭگە بار. مىسالى، الماتى قالاسىندا الماتى وبلىسىنىڭ تۇرعىنى ۇستالدى. ول 6- قاڭتاردا باسقا ادامدارمەن توپتاسىپ، جاپپاي تارتىپسىزدىكتى پايدالانا وتىرىپ، حالىق بانكى فيليالىنىڭ كىرەتىن ەسىگىن بۇزىپ، كومپيۋتەرلەر مەن تەلەديدارلاردى ۇرلاعان. ۇرلانعان زاتتار الىندى، ۇستالعان ادام كۇزەتپەن ۇستاۋعا الىندى، ونىڭ سىبايلاستارىنا قاتىستى ىزدەستىرۋ ءىس-شارالارى جۇرگىزىلۋدە»، - دەدى سانجار ءادىلوۆ.

سونداي-اق اقتوبە قالاسىنىڭ جۇمىس ىستەمەيتىن تۇرعىنىنا قانداي ايىپ تاعىلىپ وتىرعانىن ايتتى.

«ول 6- قاڭتاردا الماتى قالاسىندا بولعان جاپپاي تارتىپسىزدىك بارىسىندا سەيفۋللين كوشەسىندەگى «تەحنودوم» ساۋدا ۇيىنەن جالپى سوماسى 510 مىڭ تەڭگە كومپيۋتەردىڭ ەكى پروتسەسسورىن جانە ءۇش ۇيالى تەلەفوندى ۇرلاعان. سوتتىڭ سانكسياسىمەن كۇدىكتى كۇزەتپەن ۇستاۋعا الىندى. بۇل رەتتە ونىڭ رايىمبەك كوشەسىندە ورنالاسقان «ماكسيما» ساۋدا-ويىن ساۋىق ورتالىعىنان كيىم ۇرلاۋعا قاتىسى بارى انىقتالدى. ەكى ەپيزود بويىنشا ۇرلانعان زاتتار الىندى»، - دەدى ءى ءى م تەرگەۋ دەپارتامەنتىنىڭ باستىعى.

سوڭعى جاڭالىقتار