قازاقستان حالقىنىڭ سانى 17 ميلليون 630,7 مىڭ ادامدى قۇرادى
سونىڭ ىشىندە قالالىقتار - 10 ميلليون 036,2 مىڭ (56,9 پايىز)، اۋىلدىقتار - 7 ميلليون 594,5 مىڭ ادامدى (43,1 پايىز) بولىپ وتىر.
بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنەن حابارلاندى.
مالىمەتتەرگە قاراعاندا، 2015-جىلعى قاڭتار-قازاندا حالىق سانى جالپى ەل بويىنشا 213 مىڭ ادامعا نەمەسە 1,2 پايىزعا وسكەن. بۇل كورسەتكىش بويىنشا 2014-جىلعى 1- قاراشامەن سالىستىرعاندا حالىق سانى 253 مىڭ ادامعا نەمەسە 1,46 پايىزعا ارتىپ وتىر.
ال ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2015-جىلى قاڭتار-قازاندا تۋىلعاندار سانى 336,4 مىڭ ادامدى قۇراعان. تۋۋ كەزەكتىلىگى بويىنشا ءبىرىنشى، ەكىنشى جانە ءۇشىنشى تۋعانداردىڭ ۇلەس سالماعى سايكەسىنشە 34 پايىز، 28 پايىز جانە 18 پايىزدى قۇراپ وتىر. تۋۋدىڭ جالپى كوەففيتسيەنتى 1000 ادامعا 23,02 تۋىلعانداردان كەلەدى.
«2015-جىلدىڭ قاڭتار-قازانىندا رەسپۋبليكا حالقىنىڭ تابيعي ءوسىمى بىلتىرعى جىلدىڭ وسى كەزەڭىمەن سالىستىرعاندا 2,6 مىڭ ادامعا نەمەسە 1,1 پايىزعا ازايىپ، 225 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 15,39 ادامدى قۇرادى»، دەلىنگەن باسپا ءسوز بايانىندا.
بۇدان بولەك، كوشى-قون پوليتسياسى ورگاندارى ۇسىنعان كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2015-جىلعى قاڭتار-قازاندا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ-قونۋشىلار) 2014-جىلعى قاڭتار-قازانمەن سالىستىرعاندا 1,5 پايىزعا كەمىپ، 13 مىڭ 557 ادام بولعان. وسى كەزەڭدە ەلىمىزدەن كەتكەن كوشىپ-قونۋشىلاردىڭ تىركەلۋ سانى 4,5 پايىزعا كوبەيىپ، 25 مىڭ 432 ادامدى قۇرادى، ال كوشى-قوننىڭ ايىرىمى -11 مىڭ 875 ادام بولدى. بۇل رەتتە ەلىمىزدەگى نەگىزگى كوشى-قون الماسۋى ت م د مەملەكەتتەرىمەن بولىپ وتىرعانىن اتاپ ءوتۋ كەرەك.
اۆتور: قانات مامەتقازى ۇلى
