قازاقستانداعى حالىق سانى 17 ميلليون 400 مىڭ ادامعا جەتتى

بۇل تۋرالى بۇگىن ورتالىق كوممۋنيكاتسيالار قىزمەتىندە 2014 - جىلدا قازاقستاننىڭ الەۋمەتتىك-ەكونوميكالىق دامۋىنىڭ ستاتيستيكالىق قورىتىندىلارىنا ارنالعان بريفينگتە ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى ءاليحان سمايىلوۆ ءمالىم ەتتى.

«2014 - جىلعى 1 - جەلتوقسانداعى جاعداي بويىنشا ەلىمىزدەگى حالىق سانى 17 ميلليون 397 مىڭ ادامدى قۇرادى. 2013 - جىلعى 1 - جەلتوقسانىمەن سالىستىرعاندا حالىق سانى 251 مىڭ ادامعا نەمەسە 1,5 پايىزعا ءوستى»، - دەدى ءا. سمايىلوۆ.

ونىڭ سوزىنە قاراعاندا، تۋىلعاندار سانى 368 مىڭعا جەتىپ، 1,6 پايىزعا ارتتى. ال قايتىس بولعاندار 120 مىڭ ادامدى قۇراپ، 4,7 پايىزعا تومەندەدى.

«قاڭتار- قاراشادا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 15185 ادامدى قۇرادى. ال ەلدەن كەتكەندەردىڭ سانى 18,8 پايىزعا كوبەيىپ، 26869 ادامدى قۇرادى»، - دەدى ءا. سمايىلوۆ.

اتاپ ايتقاندا، ەلىمىزدەگى نەگىزگى كوشى-قون بۇرىنعىداي ت م د ەلدەرى اياسىندا ساقتالىپ وتىر.

اۆتور: رۋسلان عابباسوۆ