ەلىمىزدە بيىل 17,3 ميلليون توننا استىق جينالادى دەپ كۇتىلۋدە
سەبەبى، وي- قىرداعى قىرماندار قىزىل دانگە تولادى دەگەن سەنىم مول. ال التىن ءدانىمىزدى الۋعا اسىعىپ وتىرعان مەملەكەتتەردىڭ قاراسى قالىڭ. بۇل تىزىمدە قىتاي حالىق رەسپۋبليكاسى دا بار. بيىل اسپان استى ەلىنە 1 ميلليون تونناداي استىق جىبەرىلەدى. سارى التىن ءوسىپ- ونگەن القاپتىڭ ءار گەكتارىنان 7,5 سەنتنەردەن استىق جينالۋدا.
«اقمول- فەنيكس» سەرىكتەستىگىندە باستالعان كۇزگى جيىن- تەرىم جۇمىستارىنىڭ 5 كۇندىك ناتيجەسى وسىنداي. جالپى اۋماعى 28 مىڭ گەكتار القاپتا وسىرىلگەن بيدايدىڭ بۇگىندە %25 ى قامباعا قۇيىلدى.
دەنيس پلۋجنيك، «اقمول- فەنيكس» ا ق باس اگرونومى:
- القاپتا 32 كومباين جانە استىق تاسۋعا ارنالعان 15 كولىك جۇمىس ىستەۋدە. ءوزىمىزدىڭ 6 مىڭ توننا تازالانعان استىق ساقتاۋعا ارنالعان ەلەۆاتورىمىز بار. الداعى 10 كۇننىڭ ىشىندە كۇزگى جيىن- تەرىمدى تولىق اياقتايمىز جانە ونىمدىلىك ارتادى دەگەن ويدامىز.
ەلىمىز بويىنشا 14,9 ميلليون گەكتار القاپتا ءداندى- داقىلدار، 11,7 ميلليون گەكتار جەردە بيداي جانە 6 ميلليون گەكتاردا وزگە دە ازىق تۇرلەرى ءوسىرىلدى. بۇگىنگە دەيىن شارۋالار 6 ميلليون توننادان استام استىقتى جيناپ ۇلگەرگەن. وتكەن جىلدىڭ سايكەس كەزەڭىمەن سالىستىرعاندا، بۇل - ءبىرشاما ۇلكەن كورسەتكىش. «جۇمىس قارقىنى وسىلاي جالعاسا بەرسە، مەجەلى جوسپار مەرزىمىندە ورىندالادى»، - دەيدى جاۋاپتى ۆەدومستۆو وكىلى.
ساپارحان وماروۆ، ق ر اۋىل شارۋاشىلىعى ءمينيسترىنىڭ ورىنباسارى:
- وڭتۇستىك وبلىستاردا بۇگىنگى كۇنى ەگىس جيناۋ ناۋقانى اياقتالىپ كەلە جاتىر. قازىر ەندى ەڭ سوڭعى كۇرىش پەن جۇگەرى جيناۋ ناۋقانى ءجۇرىپ جاتىر. كوسموستىق مونيتورينگتىڭ بەرگەن العاشقى اقپاراتىنا بايلانىستى استىق تازالانعاننان كەيىنگى سالماعى 17,3 ميلليون توننانى قۇرايدى دەپ جوسپارلاپ وتىرمىز.
ەرتە كوكتەمنەن بەرگى تىنىمسىز تىرلىكتىڭ ناتيجەسى تەحنيكالارعا بايلانىستى. استىقتى ىسىراپسىز جيناپ، شارۋالارعا جايلى جاعداي تۋعىزاتىن كومبايندار مۇلتىكسىز جۇمىس ىستەۋى كەرەك. ديقاندار وسى تالاپقا ساي كەلەتىن تەحنيكالاردى ارزان باعادا ساتىپ الۋدا. وراق ناۋقانىنداعى تەحنيكالىق قاجەتتىلىكتەر ءۇشىن «قازاگروقارجى» تاراپىنان 18 ميلليارد تەڭگە ءبولىندى. ءسويتىپ ديقاندار جەڭىلدەتىلگەن نەسيە تالاپتارى بويىنشا جاڭا كومبايندارعا قول جەتكىزگەن. جالپى، شارۋالار ەگىس القاپتارىنان 17 ميلليون توننادان استام التىن ءدان جيناۋدى جوسپارلاپ وتىر. سونىڭ 7 ميلليوننان استامى ەكسپورتتالماق. قازاقستاندىق ءونىمنىڭ اۋقىمدى بولىگى ورتالىق ازيا ەلدەرىمەن بىرگە قىتاي حالىق رەسپۋبليكاسىندا ساتىلاتىن بولادى.
www.24.kz
