شىعىس قازاقستان وبلىسىندا 17-20 جىلعا جەتەتىن پايدالى قازبالار قورى قالدى - مينيستر مىرزاعاليەۆ
«وسكەمەندە شىعىس قازاقستان وبلىسى اكىمى دانيال احمەتوۆپەن بىرگە ءوڭىردىڭ مينەرالدىق- شيكىزات بازاسىن دامىتۋ بويىنشا جيىن وتكىزدىك. وڭىردەن بارلىق مينەرالدىق شيكىزات ءتۇرى انىقتالعان دەسەك بولادى. التىن، كۇمىس، مىس، سينك، قورعاسىن، تيتان، باريت جانە جەراستى سۋلارىنىڭ ۇلكەن قورى شىعىس قازاقستاندا شوعىرلانعان. وڭىردە 17-20 جىلعا عانا جەتەتىن پايدالى قازبالار قورى قالدى. سوندىقتان گەولوگيالىق بارلاۋ جۇمىسى كولەمىن ۇلعايتۋىمىز قاجەت»، - دەپ اتاپ ءوتتى مينيستر.
ماعزۇم مىرزاعاليەۆتىڭ سوزىنشە، بۇل باعىتتا زاماناۋي تەحنولوگيا ادىستەرىن قولدانۋ ماڭىزدى. ينۆەستورلارعا قولايلى جاعداي جاساۋ ارقىلى ۇلكەن ناتيجەلەرگە قول جەتكىزۋگە بولادى.
«وبلىس اكىمىمەن بارلاۋدى كۇشەيتۋ، قوسىمشا قارجى تارتۋ ماسەلەسى بويىنشا جۇمىس توبىن قۇرۋعا كەلىستىك. ونىڭ قۇرامىنا سالاداعى عالىمدار، كومپانيالار مەن مۇددەلى مەملەكەتتىك ورگاندار وكىلدەرى كىرەدى. جاستاردى گەولوگيا سالاسىنا تارتىپ، باۋلۋ دا اسا ماڭىزدى. «قازگەولوگيا» كومپانياسى شىعىس قازاقستاننىڭ جەرگىلىكتى جوعارى وقۋ ورىندارىمەن ارىپتەستىكتى كۇشەيتەدى»، - دەپ جازدى مينيستر. اتاپ وتەيىك، ەكولوگيا ءمينيسترى قازىر جۇمىس ساپارىمەن شىعىس قازاقستان وبلىسىندا ءجۇر.
