جارىلىستان قازا بولعان 17 جاسار سۆەتلانا ياكوۆلەۆانىڭ وتباسىنا 1 ميلليون تەڭگە بەرىلەدى
بۇل تۋرالى قالا باسشىسى ءماسليحات دەپۋتاتتارىنىڭ XXXIII سەسسياسىندا ءمالىم ەتتى.
ال، جارىلىستان جاپا شەككەن بالالاردىڭ وتباسىلارىنا ءارقايسىسىنا 500 مىڭ تەڭگە كولەمىندە ماتەريالدىق كومەك بەرىلەتىن بولدى.
كەشە الماتى اكىمى احمەتجان ەسىموۆ ءسان جانە ديزاين كوللەدجىندە بولعان جارىلىستىڭ سەبەبىن شۇعىل تۇردە انىقتاۋدى تاپسىرعان بولاتىن. ونىڭ تاپسىرماسى بويىنشا قازىر اكىمنىڭ ورىنباسارى يۋري يليننىڭ باسقارۋىمەن ارنايى كوميسسيا قۇرىلدى.
سونىمەن قاتار، قالا باسشىسى قالالىق دەنساۋلىق ساقتاۋ باسقارماسىنا توتەنشە جاعدايدان جاپا شەككەن ادامداردىڭ دەنساۋلىعىنا اسا ءمان بەرۋدى قاتاڭ تاپسىردى.
ەستەرىڭىزگە سالا كەتەيىك، كەشە تاڭەرتەڭ الماتىداعى ءسان جانە ديزاين كوللەدجى عيماراتىنىڭ ەكىنشى قاباتىندا العاشقى اسكەري دايىندىق ساباعىندا جارىلىس بولدى. توتەنشە جاعداي سالدارىنان 1 قىز وقيعا ورنىندا قازا بولىپ، 12 ادام جاپا شەكتى. ازىرگە، ولاردىڭ 5 ەۋىنىڭ جاعدايى اۋىر.
اۆتور: گۇلميرا عوسمانالي
