قازاقستاندا 17-19- ماۋسىم ارالىعىندا كۇن كۇركىرەپ، جاڭبىر جاۋادى

استانا. قازاقپارات - «قازگيدرومەت» ر م ك 2023-جىلدىڭ 17-19- ماۋسىمىنا ارنالعان قازاقستان بويىنشا اۋا رايى بولجامىن جاريالادى، دەپ حابارلايدى قازاقپارات.

«الداعى دەمالىس كۇندەرى قازاقستان اۋماعى وڭتۇستىك تسيكلونى مەن سوعان بايلانىستى اتموسفەرالىق شەپتەردىڭ ىقپالىندا بولادى. ەلدىڭ كوپ بولىگىندە كۇن كۇركىرەپ، وتكىنشى جاۋىن جاۋادى، جەل سوعىپ، بۇرشاق جاۋۋى مۇمكىن. 18- ماۋسىمدا باتىستا، 18-19- ماۋسىم كۇنى سولتۇستىك-باتىستا نوسەر جاڭبىر جاۋادى، قازاقستاننىڭ وڭتۇستىگىندە شاڭدى داۋىل سوعادى. تەك رەسپۋبليكانىڭ ەڭ شىعىستاعى بولىگىندە عانا جاۋىن-شاشىن بولمايدى»، - دەلىنگەن سينوپتيكتەردىڭ بولجامىندا.

قازگيدرومەت مالىمەتى بويىنشا، كۇندىزگى اۋا تەمپەراتۋراسى باتىستا 20+28+ گرادۋسقا، سولتۇستىك-باتىستا 13+26+، سولتۇستىكتە 17+27+ گرادۋسقا تومەندەۋى، رەسپۋبليكانىڭ سولتۇستىك-شىعىسى، شىعىسى مەن ورتالىعىندا 30+37+ گرادۋسقا دەيىن جوعارىلاۋى مۇمكىن. ال وڭتۇستىك وڭىرلەردە تەمپەراتۋرا ايتارلىقتاي وزگەرمەيدى.