ارمەنيادا 17-18- تامىز قارالى كۇن بولىپ جاريالاندى

ەرەۆان. ARMENPRESS- قازاقپارات - ارمەنيانىڭ پرەمەر-ءمينيسترى نيكولا پاشينياننىڭ شەشىمىمەن 17 جانە 18-تامىز كۇندەرى ەرەۆان قالاسىنداعى «سۋرمالۋ» ساۋدا ورتالىعىنداعى ورتتەن ادامداردىڭ قازا بولۋىنا بايلانىستى قارالى كۇن دەپ جاريالاندى، دەپ حابارلايدى قازاقپارات Armenpress اگەنتتىگىنە سىلتەمە جاساي وتىرىپ.

16-تامىزداعى جاعداي بويىنشا، ارمەنيا تجم ىزدەۋ- قۇتقارۋ جۇمىستارىن جالعاستىرىپ جاتىر. سۋرامۋل سايدا ۇيىندە 14-تامىز كۇنى جارىلىس بولىپ، ونىڭ ارتى ورتكە ۇلاسقان بولاتىن. قازىرگى جاعدايمەن العاندا، 3 ادام ءىز-ءتۇزسىز جوعالعاندار ساناتىندا.

ارمەنپرەسس-تىڭ حابارلاۋىنشا، ءورت 16-تامىز كۇنى 14:38-دە وقشاۋلانىپ، 17:49-دا تولىقتاي سوندىرىلگەن. ورتەنگەن جانە قۇتقارۋ جۇرگىزىلەتىن جەر 1 گەكتار اۋماقتى الىپ جاتىر.

قۇتقارۋ جۇمىستارىنىڭ ناتيجەسىندە 16 ادامنىڭ دەنەسى تابىلدى.