ۇلتتىق قاۋىپسىزدىك كوميتەتى ءۇش قالادا وپەراتسيا جۇرگىزىپ، 16 توننا ەسىرتكى تاركىلەدى

None
استانا. قازاقپارات - ۇلتتىق قاۋىپسىزدىك كوميتەتى ەلىمىزدىڭ وڭىرلەرىندە ءىرى كولەمدە كوكنار شيكىزاتىن ساتۋ قىلمىسىنا قاتىسى بار ەسىرتكىمەن اينالىساتىن توپتىڭ جولىن كەسۋگە باعىتتالعان ارنايى وپەراتسيا جۇرگىزدى.

ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، جەدەل زەردەلەۋ جۇمىسىنىڭ ناتيجەسىندە پەتروپاۆل قالاسىندا ەسىرتكى قىلمىسىنا قاتىستى توپتىڭ كومەكشىلەرى ۇستالىپ، 5,5 تونناعا جۋىق اپيىن الىندى.

وسى وپەراتسيانىڭ ەكىنشى كەزەڭى بارىسىندا وسكەمەن قالاسىندا 1 توننا كوكنار شيكىزاتىن الۋ ۇستىندە ەسىرتكى كۋرەرى ۇستالدى. ءدال وسى ۋاقىتتا، قاراعاندى قالاسىندا جالعا العان قويمالاردا 10 توننادان اسا ەسىرتكى شيكىزاتىن ساقتاپ كەلگەن ەسىرتكى قىلمىسىنا قاتىستى توپتىڭ ۇيىمداستىرۋشىلارى ۇستالدى.

بۇعان قوسا ءتىنتۋ شارالارى بارىسىندا ەسىرتكى قىلمىسىنا قاتىستى توپ قاتىسۋشىلارىنان جاراقاتتاۋشى جانە سۋىق قارۋ، سونىمەن قاتار ءىرى كولەمدە اقشا تابىلىپ، الىندى.

الدىن الا تەرگەۋ انىقتاعانداي، اتالعان اپيىن تاماق ونىمدەرى تۇرىندە شەتەلدەن قازاقستان اۋماعىنا كىرگىزىلىپ، ەسىرتكىگە تاۋەلدى ورتادا ساۋدالانعان.

«جالپى قولعا تۇسكەن ەسىرتكى كولەمى 16 توننادان استى. ودان ءارى جەدەل-تەرگەۋ امالدارى جۇرگىزىلۋدە. ەسىرتكى بيزنەسىنە قارسى كۇرەس جۇمىسى جالعاسۋدا»، - دەلىنگەن ق ر ۇ ق ك باسپا ءسوز قىزمەتى تاراتقان اقپاراتتا.

سوڭعى جاڭالىقتار