16-شىلدەدە ەل اۋماعىندا اۋا رايى قانداي بولادى
قازاقستان تەرريتورياسىنىڭ باسىم بولىگىندە اۋا رايىن سولتۇستىك- باتىس سيكلونى انىقتايدى.
وسىعان بايلانىستى جاڭبىر جاۋادى، سولتۇستىكتە، سولتۇستىك- باتىستا نوسەر جاۋىن جانە بۇرشاق جاۋادى، نايزاعاي جارقىلداپ، جەل كۇشەيەدى، داۋىل تۇرادى، تۇندە جانە تاڭەرتەڭ سولتۇستىكتە تۇمان، وڭتۇستىك- باتىستا كۇندىز شاڭدى داۋىل سوعادى.
تەك قازاقستاننىڭ وڭتۇستىگىندە، وڭتۇستىك- شىعىسىندا، باتىسىندا جانە ورتالىعىندا انتيتسيكلون اسەرىنەن جاۋىن- شاشىنسىز اۋا رايى ساقتالادى.
تۇركىستان، قىزىلوردا، جامبىل وبلىستارىنىڭ باسىم بولىگىندە، اتىراۋ وبلىسىنىڭ باتىسىندا، باتىس قازاقستان وبلىسىنىڭ باتىسى مەن وڭتۇستىك- شىعىسىندا توتەنشە ءورت قاۋپى بار.
كۇندىز الماتى، جەتىسۋ، تۇركىستان، باتىس قازاقستان، اتىراۋ، قوستاناي، ۇلىتاۋ، قىزىلوردا، جامبىل وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، قاراعاندى وبلىسىنىڭ وڭتۇستىك- شىعىسىندا قاتتى ىستىق بولادى.
كۇندىز ماڭعىستاۋ وبلىسىنىڭ باسىم بولىگىندە، اتىراۋ، قوستاناي وبلىستارىنىڭ وڭتۇستىگىندە وتە قاتتى ىستىق ساقتالادى.
