الماتى وبلىسىندا قاڭتار وقيعاسى كەزىندە 16 ادام قازا تاپتى

«سونىمەن قاتار، ءبىز قازا تاپقان ادامدار تۋرالى اقپاراتتى ءمان- جايدىڭ انىقتالۋىنا قاراي حالىققا جەتكىزىپ وتىرامىز. بۇعان دەيىن قىزىلوردا، اتىراۋ، شىمكەنت جانە تاراز قالالارىنداعى تەرروريستىك شابۋىل تۋرالى حابارلاعان بولاتىنبىز. بۇگىن مەن الماتى جانە شىعىس قازاقستان وبلىستارىنا توقتالعىم كەلەدى. الماتى وبلىسىندا 16 ادام كوز جۇمدى، ونىڭ ىشىندە 5 قۇقىق قورعاۋ ورگانىنىڭ قىزمەتكەرى بار. 6-19-قاڭتار ارالىعىندا اتالعان وڭىردە تەرروريستىك قاۋىپتىڭ «قىزىل» دەڭگەيى ساقتالىپ، تەرروريزمگە قارسى وپەراتسيا جۇرگىزىلگەنىن ەسكە سالعىم كەلەدى. وسى ۋاقىتتا قارۋلى قىلمىسكەرلەر قۇقىق قورعاۋ ورگاندارىنىڭ قىزمەتكەرلەرىنىڭ ومىرىنە قاۋىپ ءتوندىرۋدى جانە شابۋىل جاساۋدى جالعاستىردى»، - دەدى ە. قيلىمجانوۆ.
ول وسى كەزەڭدە تەرروريزمگە قارسى وپەراتسيا جۇرگىزىلگەنىن، ازاماتتاردىڭ قوزعالىسىنىڭ ەرەكشە ءتارتىبى بەكىتىلىپ، اۆتوكولىكتەرگە تەكسەرۋ جاسالعانىن ەسكە سالدى.
«ناقتى وسى كەزەڭدە، ياعني 6-8-قاڭتار ارالىعىندا ازاماتتاردىڭ قازا بولۋ فاكتىلەرى تىركەلدى. ونىڭ بارلىعى بويىنشا تەرگەۋ ءجۇرىپ جاتىر. مۇقاشيەۆتىڭ ولىمىنە اكەپ سوققان ۇرىپ- سوعۋ فاكتىسى بويىنشا تەرگەۋمەن ارنايى پروكۋرورلار اينالىسۋدا. وسى ءىس بويىنشا سوتتىڭ سانكتسياسىمەن قۇقىق قورعاۋ ورگاندارىنىڭ 2 قىزمەتكەرى قاماۋعا الىندى»، - دەدى باس پروكۋراتۋرا وكىلى.
بۇدان بۇرىن حابارلانعانداي، قاڭتار وقيعاسى بويىنشا تەرگەۋ ورگاندارىنىڭ ءىس جۇرگىزۋىندە 5041 قىلمىستىق ءىس بار.