سكۋتەر مەن ەلەكتروساموكات ايداۋعا 16 جاسقا تولماعان بالالارعا بولمايدى - پوليتسيا

پەتروپاۆل. قازاقپارات - سولتۇستىك قازاقستان وبلىسىندا پوليتسەيلەر كۇن جىلىنا جولداردا پايدا بولاتىن ەكى دوڭگەلەكتى كولىك يەلەرىنە جول ەرەجەسىن قاتاڭ ساقتاۋ قاجەتتىگىن ەسكەرتتى.
None
None

پوليتسيانىڭ مالىمەتىنشە، 16 جاسقا تولماعان بالالاردىڭ سكۋتەر جانە ەلەكتروساموكات تىزگىندەۋىنە رۇقسات جوق، دەپ حابارلايدى قازاقپارات ءتىلشىسى.

«اتا- انالار جول شەتىمەن ۆەلوسيپەد ءمىنىپ جۇرۋگە 14 جاستان باستاپ قانا رۇقسات ەتىلگەنىن ءبىلۋى ءتيىس. قوزعالتقىش كولەمى 50 تەكشە مەتردەن كوپ ەمەس سكۋتەردى جانە ولارعا تەڭەستىرىلگەن ەلەكترساموكاتتاردى 16 جاستان باسقارۋعا بولادى. جۇرگىزۋشى كۋالىگى بولۋى مىندەتتى ەمەس. دەسە دە، جاس جۇرگىزۋشىلەر جول ءجۇرىسى قاعيدالارىن ءبىلۋى قاجەت. پاترۋلدىك پوليتسيا بولىنىستەرى وبلىس ورتالىعىنىڭ جانە ەلدى مەكەندەردىڭ جولدارىندا قوزعالىس قاۋىپسىزدىگىن نىعايتۋ جۇمىستارىن جۇرگىزىپ جاتىر. جول قوزعالىسىنىڭ بارلىق قاتىسۋشىلارىنان جول ءجۇرىسى قاعيدالارىن قاتاڭ ساقتاۋدى سۇرايمىز»، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، موتوتسيكلشىلەر اراسىندا بەلگىلەنگەن جىلدامدىقتى اسىرۋ، مانيەۆر جاساۋ قاعيدالارىن بۇزۋ ءجيى كەزدەسەدى. بۇنى تاجىريبە كورسەتىپ وتىر. كەز كەلگەن وسىنداي قۇقىق بۇزۋشىلىق جول- كولىك اپاتىنا اكەلىپ سوعۋى مۇمكىن. ەكى دوڭگەلەكتى كولىكتىڭ جۇرگىزۋشىلەرى مانيەۆر جاساعاندا، بۇرىلعاندا، باسقا جولاققا اۋىسقاندا جول قوزعالىسىنىڭ باسقا قاتىسۋشىلارى ءۇشىن كورىنەتىن بەلگىلەردى كورسەتۋى ءتيىس. ال ەرەجە بۇزعاندارعا زاڭنامامەن ايىپپۇل قاراستىرىلعان. جۇرگىزۋشى دە، جولاۋشىسى دا شلەم كيۋى ءتيىس. جاز كەزىندە پايدا بولاتىن تاعى ءبىر پروبلەما - تۇنگى موتوجارىستارعا قۇمار جۇرگىزۋشىلەردىڭ تىنىشتىقتى بۇزۋى.

جۇمىس كۇندەرى ساعات 22.00-دەن كەيىن، ال دەمالىس جانە مەرەكە كۇندەرى ساعات 23.00-دەن كەيىن تىنىشتىقتى بۇزۋعا بولمايدى. زاڭدى بۇزعاندارعا 5 ا ە ك ايىپپۇل سالىنادى.

اۆتور: اقەركە داۋرەنبەك قىزى

سوڭعى جاڭالىقتار