قازاقستاندىق عالىمدار 16 ميلليارد تەڭگە تابىس تاپتى
بۇل جايىندا ق ر ءبىلىم جانە عىلىم مينيسترلىگى عىلىم كوميتەتىنىڭ ءتوراعاسى جاننا قۇرمانعاليەۆا ورتالىق كومۋمنيكاتسيالار قىزمەتىندە وتكەن بريفينگىدە ايتتى.
«كەز كەلگەن عىلىمي قىزمەتتىڭ ماڭىزدى ناتيجەلەرىنىڭ ءبىرى - بۇل ناقتى الەۋمەتتىك- ەكونوميكالىق مىندەتتەردى شەشۋگە، اۋماقتىڭ دامۋىنا، ءاربىر قازاقستاندىقتىڭ ومىرىنە وڭ اسەر ەتۋ. قازاقستان عىلىم قورى جەلىسى بويىنشا 2016 -جىلدان باستاپ عىلىمي قىزمەت ناتيجەلەرىن كوممەرتسيالاندىرۋدىڭ 151 جوباسى قارجىلاندىرىلادى. بۇگىنگى تاڭدا 120 دان استام جوبا ساتۋ كەزەڭىنە شىقتى. يننوۆاتسيالىق ءونىمدى ساتۋدان تۇسكەن جالپى تابىس 16 ميلليارد تەڭگە بولدى. سونداي- اق، 5,2 ميلليارد تەڭگە سالىق تولەندى. 1400 دەن استام جۇمىس ورنى قۇرىلدى»، - دەدى كوميتەت باسشىسى.
ايتۋىنشا، ازىرگە جوبالاردى جەكە سەكتورمەن بىرلەسىپ قارجىلاندىرۋ كولەمى ماردىمسىز - شامامەن %18.
«دەي تۇرعانمەن وتاندىق عىلىم جەتىستىگى ارقىلى وندىرىلگەن 350 ميلليون تەڭگەنىڭ ءونىمى ەكسپورتتالدى. ەلىمىزدىڭ 30 دان استام عالىمى شامامەن 340 ميلليون تەڭگەدەي اۆتورلىق سىياقى نەمەسە ءوز جوبالارىنان رويالتي الىپ وتىر. بۇل - وتە ۇلكەن جەتىستىك»، - دەدى جاننا قۇرمانعاليەۆا. ونىڭ ايتۋىنشا، قازاقستاندا 1 ميلليون حالىققا 1172 عالىمنان كەلەدى.
