كومىر تاسىمالدايتىن ۆاگوندار سانى 16 مىڭعا جەتكىزىلدى
بۇل تۋرالى ق ر پرەمەر-ءمينيسترىنىڭ ورىنباسارى رومان سكلياردىڭ دەپۋتاتتار ساۋالىنا جاۋابىندا ايتىلعان، دەپ حابارلايدى قازاقپارات ءتىلشىسى.
«جۇك جونەلتۋشىلەردى ۆاگوندارمەن قامتاماسىز ەتۋ ءۇشىن «قازاقستان تەمىر جولى» ۇ ك» ا ق ءبىرقاتار وپەراتيۆتىك ءىس-شارالار قابىلدادى. ونىڭ ىشىندە كومىر تاسىمالداۋعا جۇمىلدىرىلعان اشىق ۆاگونداردىڭ سانى ۇلعايتىلدى. قازىرگى ۋاقىتتا اشىق ۆاگونداردىڭ سانى 13 مىڭ دانادان 16 مىڭ داناعا دەيىن ۇلعايتىلدى»، - دەلىنگەن رومان سكلياردىڭ ءماجىلىس دەپۋتاتتارى ساۋالىنا بەرگەن جاۋابىندا.
سونىمەن قاتار ول كومىر تاسىمالداۋ ءۇشىن كورشىلەس تەمىرجول اكىمشىلىكتەرىنىڭ اشىق ۆاگوندارى تارتىلعانىن اتاپ وتەدى.
«قازتەمىرترانس» ا ق-نىڭ اشىق ۆاگوندارىنا باسقا نومەنكلاتۋرالىق جۇكتەردى جانە ەكسپورتقا جۇك تيەۋلەر شەكتەلدى. جىلۋ ەلەكتر ستانسيالارىنا جونەلتۋ جۇمىستارى كۇن سايىنعى باقىلاۋدا تۇر. اينالما باعدارلار ۇيىمداستىرىلدى. جىلجىمالى قۇراممەن قامتاماسىز ەتىلۋدە»، - دەدى ۇكىمەت باسشىسىنىڭ ورىنباسارى.
اۆتور: مارلان جيەمباي
