16 ادام مىنگەن تىكۇشاق قۇلادى
قازاقپارات بۇل تۋرالى تاسس اگەنتتىگىنە سىلتەمە جاساپ حابارلايدى.
«12-تامىز كۇنى، ماسكەۋ ۋاقىتىمەن ساعات 00.50-دە كرونوتسكوە قورىعىنىڭ كۋريلسك كولى اۋماعىندا «ۆيتياز- اەرو» كومپانياسىنا تيەسىلى مي-8 تىكۇشاعى جەرگە قاتتى قونعانى تۋرالى حابارلاما ءتۇستى. الدىن الا اقپارات بويىنشا، بورتتا 13 تۋريست پەن ەكيپاجدىڭ 3 مۇشەسى بار. وقيعا ورنىنا اپاتتار مەديتسيناسى ورتالىعىنىڭ تىكۇشاعى ۇشىپ شىعۋعا دايىندالۋدا. سونداي-اق قۇتقارۋشىلارى بار رەسەي توتەنشە جاعدايلار مينيسترلىگىنىڭ مي-8 تىكۇشاعى دايىندىق كۇيىنە كەلتىرىلىپ جاتىر»، - دەپ ءمالىم ەتتى جۋرناليستەرگە توتەنشە جاعدايلار مينيسترلىگى كامچاتكا بويىنشا مەملەكەتتىك باسقارماسىنىڭ باسپا ءسوز قىزمەتىنەن.
ال ر ف ت ج م-نىڭ باسپا ءسوز قىزمەتىنىڭ اقپاراتىنا سايكەس، «ۆيتياز- اەرو» ا ق-نىڭ مي-8 تىكۇشاعىنىڭ جەرگە قاتتى قونۋى سالدارىنان زارداپ شەككەندەرگە كومەكتەسۋ ءۇشىن كامچاتسك ولكەسىندەگى ىزدەستىرۋ- قۇتقارۋ جۇمىستارىنا 45 ادام مەن 8 تەحنيكا جۇمىلدىرىلعان.
«ۆيتياز- اەرو» اۆياكومپانياسى 2009 -جىلدان بەرى جۇمىس ىستەپ كەلەدى. جەكە پاركىندە 20 تىكۇشاق بار. كامچاتكانىڭ جولى قيىن اۋماقتارىنا تۋريستەردى جەتكىزۋ بويىنشا جولاۋشىلار تاسىمالىن ورىندايدى.