16-ماۋسىم كۇنگى اۋا رايى بولجامى

رەسپۋبليكانىڭ قالعان بولىگىندە جاۋىن- شاشىنسىز اۋا رايى بولجانادى. جەكەلەگەن وڭىردە ەكپىندى جەل تۇرادى، وڭتۇستىكتە شاڭدى داۋىل، وڭتۇستىك- باتىس جاعالاۋىندا تۇندە جانە كۇندىز تۇمان بولادى، دەپ حابارلايدى قازاقپارات.

«قازگيدرومەت» ر م ك مالىمەتىنشە، جامبىل وبلىسىنىڭ كەي جەرلەرىندە جەلدىڭ ەكپىنى 23 م/س كۇشەيەدى، كۇندىز تاۋلى اۋداندارىندا داۋىل، بۇرشاق بولجانادى.

تۇركىستان وبلىسىندا، كۇندىز قىزىلوردا وبلىسىنىڭ كەي جەرلەرىندە جەل شاڭدى داۋىلمەن بىرگە كوتەرىلىپ، كۇشى 15-23 م/س ارتادى.

باتىس قازاقستان وبلىسىندا، كۇندىز اتىراۋ وبلىسىنىڭ كەي جەرلەرىندە جەل 15-20 م/س كۇشەيەدى. باتىس قازاقستان وبلىسىندا سونداي- اق بۇرشاق جاۋادى. سولتۇستىك قازاقستان وبلىسىندا، كۇندىز اقمولا، پاۆلودار، قاراعاندى وبلىستارىنىڭ كەي جەرلەرىندە جەلدىڭ جىلدامدىعى 15-20 م/س قۇرايدى.

سولتۇستىك قازاقستان وبلىسىندا سونداي- اق داۋىل تۇرادى. ماڭعىستاۋ وبلىسىندا تۇندە جانە تاڭەرتەڭ تۇمان كۇتىلەدى. كۇندىز ماڭعىستاۋ، باتىس قازاقستان، اتىراۋ، اقتوبە، قوستاناي، پاۆلودار وبلىستارىندا، سولتۇستىك قازاقستان وبلىسىنىڭ كەي جەرلەرىندە، قاراعاندى وبلىسىنىڭ وڭتۇستىگىندە قاتتى ىستىق بولادى. سونىمەن قاتار قىزىلوردا، پاۆلودار، تۇركىستان وبلىستارىندا، جامبىل اقتوبە، قوستاناي، قاراعاندى، الماتى، شىعىس قازاقستان، اقمولا، باتىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى كۇتىلەدى.