قازاقپارات كۇنتىزبەسى: 16- تامىز

اتاۋلى كۇندەر

قازاقستاندا سپورت كۇنى سپورت كۇنى

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ 2003-جىلدىڭ 15- قاراشاسىنداعى جارلىعىنا سايكەس تامىز ايىنىڭ ءۇشىنشى جەكسەنبىسىندە اتاپ وتىلەدى.

سپورت سالاسى قازاقستاندا كەڭ قولداۋعا يە. ەلدە سپورتتىڭ دامۋىنا بۇقارالىق سپورت قوزعالىسىن كەڭەيتۋگە، سپورتتاعى جەتىستىكتەردى ىنتالاندىرۋعا باعىتتالعان ساياسات ىقپال ەتۋدە.

ەستە قالار وقيعالار

1989-جىلى شىعىس قازاقستان وبلىسىنىڭ (بۇرىنعى سەمەي وبلىسى) قاراۋىل اۋىلىندا «نيەۆادا- سەمەي» يادرولىق قارۋعا قارسى قوزعالىسىنىڭ بەلسەندىلەرى ۇيىمداستىرعان نارازىلىق شاراسى ءوتتى.

وندا قازاق س س ر جوعارى كەڭەسى مەن ا ق ش كونگرەسىنە يادرولىق سىناقتارعا تىيىم سالۋ تۋرالى ۇندەۋ ءماتىنى وقىلدى.

1993-جىلى ب ۇ ۇ- نىڭ شتاب-پاتەرىندە ب ۇ ۇ قاۋىپسىزدىك كەڭەسى مەن باس اسسامبلەياسىنىڭ رەسمي قۇجاتتارى رەتىندە ب. ن. ەلتسين مەن ن. ءا. نازاربايەۆتىڭ باستاماسىمەن شاقىرىلعان قازاقستان، قىرعىزستان، رەسەي، تاجىكستان مەن وزبەكستان باسشىلارىنىڭ 7- تامىزدا ماسكەۋدە وتكەن كەزدەسۋى كەزىندە قول قويىلعان تاجىك-اۋعان شەكاراسىنداعى جاعدايدى قالپىنا كەلتىرۋ بويىنشا شارالار جونىندە مالىمدەمە مەن شەكاراعا قول سۇقپاۋشىلىق جونىندە دەكلاراتسيانىڭ تاراتىلعانى تۋرالى ب ا ق- تا حابارلاما جاريالاندى.

1999-جىلى «قازپوشتا» اكتسيونەرلىك قوعامى بۇكىلالەمدىك پوشتا وداعىنىڭ EMS كووپەراتيۆىنە قابىلداندى.

2006 -جىلى قازاقستان، رەسەي جانە بەلارۋس ەلدەرىنىڭ باسشىلارى كەدەن وداعىن قۇرۋ كەلىسىمىنە قول قويدى.

قازاقستان پرەزيدەنتى نۇرسۇلتان نازاربايەۆ كەدەن وداعىنىڭ اياسىندا جالپى العاندا 92 قۇجاتقا قول قويۋ كەرەك ەكەنىن اتاپ ءوتتى.

2010 -جىلى ءشامشى قالداياقوۆتىڭ مەرەيتويى قارساڭىندا وڭتۇستىك قازاقستان وبلىستىق (قازىرگى تۇركىستان وبلىسى) مۇراجايىندا ۇلى كومپوزيتوردىڭ ءومىرى مەن شىعارماشىلىعىنا ارنالعان ەكسپوزيتسيا اشىلدى.

2011 -جىلى پاۆلودار مەملەكەتتىك پەداگوگيكا ينستيتۋتى تاريح فاكۋلتەتىنىڭ ستۋدەنتتەرى ۇستازدارىمەن بىرگە اۋليەكولدەگى (ەكىباستۇز) قازبا جۇمىستارىن جۇرگىزىپ، ورتا عاسىرعا ءتان قولونەر بۇيىمدارىن، شىعىس ەۋروپا جانە قىتايدا سوعىلعان كۇمىس، مىس مونەتالاردى تاۋىپ الدى.

2012 -جىلى بىشكەك قالاسىنداعى «ماناس» كينوتەاترىندا قازاقستان رەسپۋبليكاسىنىڭ قىرعىز رەسپۋبليكاسىنداعى مادەنيەت كۇندەرىنىڭ اياسىندا قازاق كينوسىنىڭ اپتالىعى اشىلدى. شارا ديپلوماتيالىق قاتىناستاردىڭ ورناتىلۋىنىڭ 20 جىلدىعىنا ورايلاستىرىلعان.

2013 -جىلى سەرىك ساپيەۆ قازاقستانداعى «دەنە شىنىقتىرۋ جانە سپورتتىڭ دامۋىنا قوسقان ۇلەسى ءۇشىن» مەملەكەتتىك ناگراداعا يە بولدى.

2013 -جىلى اقتوبەدە ۇلى قازاق كومپوزيتورى ءشامشى قالداياقوۆتىڭ تۋعان كۇنىنە وراي ونىڭ اتىمەن اتالعان كوشەدە ورناتىلعان مەموريالدىق تاقتانىڭ سالتاناتتى اشىلۋ ءراسىمى ءوتتى.

2013 -جىلى گابالا قالاسىندا (ازەربايجان) تۇركىتىلدەس مەملەكەتتەر ىنتىماقتاستىق كەڭەسىنىڭ Ⅲ سامميتى باستالدى. سامميت جۇمىسىنا قازاقستان پرەزيدەنتى نۇرسۇلتان نازاربايەۆ قاتىستى.

2013 -جىلى قازاقستاندىق ستۋدەنتتەر فرانسيانىڭ وڭتۇستىگىندەگى مونپەلە قالاسىندا وتكەن IBM «Best student Recognition event-2013» (IBMBSRE) كورپوراتسياسىنىڭ كونفەرەنتسياسىنا قاتىستى. جىل سايىن IBM- نىڭ الەمدىك دەڭگەيدەگى ساراپشىلارى ءارتۇرلى ەلدەردىڭ ەڭ وزىق باعدارلاماشىلارىن شاقىرىپ، وزدەرىنىڭ يننوۆاتسيالىق، عىلىمي، ءبىلىم بەرۋ، ەكولوگيالىق جانە بيزنەس-جوبالارىمەن تانىستىرادى.

قازاقستاننان ق. ي. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىنەن ءۇش قاتىسۋشى شاقىرتۋ العان. ولار اقپاراتتىق جانە تەلەكوممۋنيكاتسيالىق تەحنولوگيالار ينستيتۋتىنىڭ دوكتورانتتارى تيمۋر قارتبايەۆ، ءاليا دوسجانوۆا جانە فەرۋزا ماليكوۆا.

2014 -جىلى الماتىدا العاش رەت «كىتاپفەست» كىتاپ فەستيۆالى ءوتتى. قازاقستاندىق اقىن- جازۋشىلار - ءا. نۇرپەيىسوۆ، د. قادىرجانوۆ، ز. ناۋرىزبايەۆا، پاۆەل باننيكوۆ شارا قوناقتارى بولدى.

2017 -جىلى استانادا ورنالاسقان ق ر ۇلتتىق مۋزەيىندە «قاسيەتتى قازاقستان» عىلىمي-زەرتتەۋ ورتالىعى اشىلدى.

2017 -جىلى قىتايدىڭ سىچۋان پروۆينتسياسىنداعى نانچۋن قالاسىندا وتكەن ⅩⅤYI باتىس قىتاي ماتەماتيكا وليمپياداسىنىڭ جابىلۋ سالتاناتى بولدى. وعان قازاقستان، يندونەزيا، قىتاي، سينگاپۋر جانە فيليپپيننەن 345 جاس ماتەماتيك قاتىستى. قازاقستان قۇراماسىنىڭ نامىسىن ءتورت دارىندى وقۋشى قورعاپ، 4 التىن مەدالمەن ورالدى.

2018 -جىلى استانادا كورنەكتى جازۋشى شىڭعىس ايتماتوۆ اتىنداعى كوشەنىڭ رەسمي اشىلۋ سالتاناتى بولدى.

داڭعىل كوشەگە ۇلى سۋرەتكەر ەسىمىنىڭ بەرىلۋى باۋىرلاس حالىقتاردىڭ مىزعىماس دوستىعىنىڭ، قازاقستان مەن قىرعىزستان اراسىنداعى بەرىك ىنتىماقتاستىقتىڭ سيمۆولى بولدى. شىڭعىس ايتماتوۆتىڭ ءومىرى مەن شىعارماشىلىعى قازاق جەرىمەن تىعىز بايلانىستى.

جازۋشىنىڭ: «شەتەلگە وزىممەن بىرگە الا جۇرەتىن ەكى ۇلتتىق ماقتانىشىم بار. بىرەۋى - «ماناس»، ەكىنشىسى - مۇحتار اۋەزوۆتىڭ كىتابى»، - دەۋى دە تەگىن ەمەس.

2019 -جىلى قاراعاندىدا العاش رەت پاركينسون اۋرۋىمەن اۋىراتىن ناۋقاستارعا بەلسەندى ءومىرىن قالپىنا كەلتىرۋگە مۇمكىندىك بەرەتىن بىرەگەي وپەراتسيا جاسالدى. وتانىڭ ءمانى - نەيروحيرۋرگتار باس سۇيەگىندەگى تەسىك ارقىلى ميدىڭ تەرەڭ قۇرىلىمىنا ارنايى نەيروستيمۋلياتوردى يمپلانتاتسيالايدى.

بۇل قۇرىلعى پاركينسون اۋرۋىنا جاۋاپ بەرەتىن سۋبتولوميكالىق گالونىڭ گيپەراكتيۆتىلىگىن باسادى.

وسىدان كەيىن ناۋقاستاردا اۋرۋدىڭ بارلىق بەلگىلەرى ازايادى. تاعى ءبىر ارتىقشىلىعى - وتا از ينۆازيۆتى. اسقىنۋ مۇمكىندىگى شامامەن %3 قۇرايدى.

2019 -جىلى قازاقستان ورتالىق ازيا ەلدەرى اراسىندا ءبىرىنشى بولىپ Hpair Asia conference 2019 گارۆارد كونفەرەنتسياسى ءوتتى.

نۇر- سۇلتان قالاسىندا وتكەن بەدەلدى حالىقارالىق شاراعا الەمنىڭ 40 تان استام ەلىنەن 500 دەن اسا قاتىسۋشى كەلدى.

كونفەرەنتسيا اياسىندا التى سەكتسيا جۇمىس ىستەدى: جاھاندىق نارىقتار مەن ەكونوميكا، گەوساياسات جانە مەملەكەتتىك باسقارۋ، ب ا ق، مادەنيەت جانە ونەر، الەۋمەتتىك ساياسات جانە الەۋمەتتىك ادىلەتتىلىك، ەنەرگەتيكالىق جانە ەكولوگيالىق تۇراقتىلىق.