قازاقپارات كۇنتىزبەسى: 16- شىلدە

ەستە قالار وقيعالار

1996-جىلى قازاقستان رەسپۋبليكاسى حالىقارالىق ۆاليۋتا قورىنىڭ VIII بابىنا قوسىلدى. ول بويىنشا قوردىڭ كەلىسىمىنسىز حالىقارالىق وپەراتسيالار بويىنشا تولەمدەر مەن اۋدارىمدارعا شەكتەۋ قويۋعا تىيىم سالىندى.

1999-جىلى بوليۆيانىڭ استاناسى لا-پاس قالاسىندا يۋنەسكونىڭ باس حاتشىسى فەدەريكو مايور استانا قالاسىنا «قالالار بەيبىتشىلىك ءۇشىن» حالىقارالىق كونكۋرسى جەڭىمپازىنىڭ مەدالى مەن سەرتيفيكاتىن تابىس ەتتى. وسى كۇننەن باستاپ استانا «بەيبىتشىلىك قالاسى» اتاعىنا يە بولدى.

2001 -جىلى ەۋرازيا ۇلتتىق ۋنيۆەرسيتەتىندە «وتىرار كىتاپحاناسى» عىلىمي ورتالىعى قۇرىلدى.

2005 -جىلى اقتوبەدەگى اباي اتىنداعى گۇلزاردا «تەمىرقازىق» سيمۆولدىق بەلگىسىنىڭ اشىلۋ ءراسىمى بولىپ ءوتتى.

تەمىرقازىق جۇلدىزى ەرتە كەزدە جولاۋشىلارعا، قازاق دالاسىمەن جۇرگەن كەرۋەندەرگە جول كورسەتەتىن بەلگى بولعان. جاڭا «تەمىرقازىقتا» جاھاننىڭ ءتورت بۇرىشى، اقتوبەنىڭ گەوگرافيالىق مالىمەتتەرى، قالانىڭ الەمنىڭ ءىرى قالالارىمەن ارا قاشىقتىعى كورسەتىلگەن.

2010 -جىلى الماتىداعى سىرتقى ىستەر مينيسترلەرىنىڭ بەيرەسمي وتىرىسى اياسىندا ە ق ى ۇ ءتوراعاسى، مەملەكەتتىك حاتشى - قازاقستاننىڭ سىرتقى ىستەر ءمينيسترى قانات ساۋدابايەۆ فرانسيانىڭ سىرتقى ىستەر ءمينيسترى بەرنار كۋشنەرمەن كەزدەستى. كەزدەسۋدە نازاربايەۆ-ساركوزي قازاقستان- فرانسيا كوميسسياسىن قۇرۋ تۋرالى حاتتاماعا قول قويىلدى.

2011 -جىلى استانا ۋاقىتى بويىنشا 05.16 دا «بايقوڭىر» عارىش ايلاعىنان قازاقستاندىق «KazSat-2» بايلانىس جانە حابار تاراتۋ سەرىگى ءساتتى ۇشىرىلدى.

2012 -جىلى پاۆلودار وبلىسى اربيگەن اۋىلىنان 12 شاقىرىم قاشىقتىقتا ورنالاسقان شالدايدا ءدىني قايراتكەر عابدۇلۋاحيت حازىرەت (1853-1926) ماۆزولەيى اشىلدى.

2014 -جىلى كورنەكتى جازۋشى، قازاق تىلىندەگى تۇڭعىش روماننىڭ اۆتورى جۇسىپبەك ايماۋىتوۆتىڭ (1889-1930) جەرلەنگەن جەرى انىقتالدى. پاۆلودار وبلىسى اكىمدىگىنىڭ ساۋالىنا رەسەي فەدەراتسياسىنىڭ فەدەرالدىق قاۋىپسىزدىك قىزمەتى ورتالىق مۇراعاتىنان جاۋاپ كەلدى. وندا ج. ايماۋىتوۆ ۆاگانكوۆ زيراتىندا (ماسكەۋ) جەرلەنگەنى جايىندا ايتىلعان.

ماسكەۋگە ايماۋىتوۆتىڭ تۋىستارى، شىعارماشىلىق زيالى قاۋىم وكىلدەرى بارىپ، جازۋشىنىڭ باسىنا تاعزىم ەتىپ، قۇران وقىتىپ قايتتى.

2014 -جىلى الماتىدا «شىمبۇلاق» تاۋ-شاڭعى كۋرورتىندا قازاقستانداعى العاشقى تاۋ-ۆەلوسيپەد سپورتىنىڭ كاسىپقوي تراسساسى اشىلدى.

2016 -جىلى تايلاندتا «Amazing Thailand Film ChallengE « IV حالىقارالىق كينوفەستيۆال ءوتتى.

وعان قازاقستاندىق كينەماتوگرافشىلار دا قاتىستى. كونكۋرستىڭ شارتى بويىنشا، قاتىسۋشىلار 4 كۇن ىشىندە قىسقا مەتراجدى فيلم ءتۇسىرىپ، ونى ءبىر كۇننىڭ ىشىندە مونتاجداۋعا ءتيىس. ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرى دياس قۇلماقوۆ پەن شەرحان تاڭسىقبايەۆتىڭ تۇسىرگەن «حات» فيلمى ۇزدىك دەپ تانىلدى.

2017 -جىلى گەرمانيادا جۇزۋدەن وتكەن اشىق چەمپيوناتتا اتىراۋلىق سپورتشى- پاراليمپياداشى ەرجان سالىمگەرەيەۆ ەكى التىن مەدال جەڭىپ الدى.