اتىراۋداعى «تەڭىز» كەن الاڭىندا ىندەتكە بايلانىستى 16 مىڭنان استام جۇمىسشى ۇيىنە قايتارىلدى

نۇر-سۇلتان. قازاقپارات - اتىراۋ وبلىسىنا قاراستى «تەڭىز» كەن الاڭىنداعى كارانتيندىك ورتالىقتا 1800 ادام جاتىر، دەپ حابارلايدى «حابار 24».

ولار نەگىزىنەن COVID-19 ىندەتىن جۇقتىرعان ازماتتارمەن جاقىن قاتىناستا بولعاندار. جالپى، تەڭىزدەگى جۇمىسشىلار قالاشىعىنان 17 اۋرۋ وشاعى انىقتالدى. قازىر كەنىشتە 270 ناۋقاس تىركەلىپ، ەم الۋدا. ونىڭ 59-ى جازىلىپ شىققان. قاۋىپتى ىندەتتىڭ الدىن الۋ ماقساتىندا 16 مىڭنان استام جۇمىسشى تۇرعىلىقتى جەرلەرىنە قايتارىلدى. قالعاندارى جاقىن كۇندەرى اپاتتى ايماقتان شىعارىلادى.

تەمىربەك مۋساعاليەۆ، وبلىستىڭ باس سانيتارلىق دارىگەرى:

- ەگەر تەك «تەڭىزگە» توقتالاتىن بولساق، ءساۋىر ايىنىڭ اياعىنان باستاپ تاۋلىگىنە 20-25 ناۋقاستان تىركەلىپ كەلەدى. ولاردىڭ 50 پروتسەنتىندە اۋرۋ بەلگىلەرى جاسىرىن تۇردە جۇرگەن. ياعني، ادام ءوزىن قالىپتى جاعدايدا سەزىنەدى، ال تەكسەرگەندە، ولاردان كوروناۆيرۋس اۋرۋىنىڭ بەلگىلەرى شىعىپ جاتىر.

www.24.kz