قازاقستاننىڭ اۆتوموبيل ونەركاسىبى جازعا دەيىن 16 مىڭ جەڭىل اۆتو شىعاردى
بۇل بىلتىرعى كورسەتكىشتەن %42 ارتىق، دەپ حابارلايدى قازاقپارات ءتىلشىسى.
Ranking پورتالىنىڭ مالىمەتىنشە، 2019-جىلدىڭ قاڭتار-مامىر ايلارىندا جالپى سوماسى 114,7 ميلليارد تەڭگە بولاتىن اۆتوكولىك قۇرالدارى، ترەيلەرلەر جانە جارتىلاي تىركەمەلەر شىعارىلعان.
ايتا كەتەيىك، بىلتىر بۇل كورسەتكىش 71,5 ميلليارد تەڭگەمەن شەكتەلگەن بولاتىن.
جالپى 2019-جىلدىڭ قاڭتار-مامىر ايلارىندا 16,9 مىڭ اۆتوكولىك شىعارىلعان. سونىڭ 15,7 مىڭى - جەڭىل اۆتوموبيل. بۇدان بولەك 404 اۆتوبۋس، 495 جۇك كولىگى، 270 تىركەمە جانە 19 ارناۋلى تەحنيكا بار.
قازاقستاندا جاسالعان اۆتوكولىكتەردىڭ %94 ەكى وبلىستىڭ ۇلەسىنە تۋرا كەلەدى. قوستاناي وبلىسى («سارىارقا اۆتو ونەركاسىپ» زاۋىتى وسىندا ورنالاسقان) ءبىر جىلدا ءوندىرىس قۋاتىن 2,1 ەسە ارتتىرىپ، 65,5 ميلليارد تەڭگەنىڭ، ال ش ق و («ازيا اۆتو»، «سەماز» جانە Daewoo Bus Kazakhstan) جىلدىق ءوسىمىن %32,9 عا جەتكىزىپ، 50,8 ميلليارد تەڭگەنىڭ ءونىمىن بەرگەن.
اۆتوموبيل شىعاراتىن زاۋىتتاردىڭ اراسىندا «ازيا اۆتو» ا ق كوش باسىندا كەلەدى. ول ءبىر جىلدا ءوندىرىس قۋاتىن %20 ارتتىرىپ، 8,5 مىڭ اۆتو شىعارعان. ونىڭ ءىزىن الا «سارىارقا اۆتو ونەركاسىپ» ج ش س كەلەدى. قوستانايداعى زاۋىت 7,5 اۆتو شىعارعان (جىلدىق ءوسىم - 80%).
ەسكە سالا كەتەيىك، «ازيا اۆتو» اق مەن «سارىارقا اۆتو ونەركاسىپ» ج ش س نەگىزىنەن جەڭىل اۆتوموبيلدەر شىعارادى.