ەكىنشى دۇنيەجۇزىلىك سوعىستان قالعان بومبا تابىلىپ، 16 مىڭ ادام ەۆاكۋاتسيالاندى
نۇر-سۇلتان. قازاقپارات - گەرمانيادا ەكىنشى دۇنيەجۇزىلىك سوعىستان قالعان بومبا تابىلىپ، 16 مىڭ ادام ەۆاكۋاتسيالاندى، دەپ حابارلايدى قازاقپارات Frankfurter Rundschau باسىلىمىنا سىلتەمە جاساپ.
گەرمانيانىڭ ماينداعى فرانكفۋرت قالاسىندا 2-دۇنيەجۇزىلىك سوعىستان قالعان بومبا تابىلىپ، 16 مىڭ تۇرعىن قاۋىپسىز جەرگە كوشىرىلدى.
سالماعى 500 ك گ سنارياد ەۋروپا ورتالىق بانكى عيماراتىنىڭ الدىنداعى قۇرىلىس جۇمىستارى كەزىندە تابىلدى.
inFranken.de باسىلىمىنىڭ جازۋىنشا، سنارياد امەريكادا جاسالعان. بومبانى زالالسىزداندىرماس بۇرىن 1 ك م راديۋستاعى كەڭسەلەر مەن تۇرعىن ۇيلەردەن ادامداردى تۇگەل ەۆاكۋاتسيالاۋعا شەشىم قابىلدانعان. اتالعان شەڭبەردە بانك عيماراتى، تەمىرجول ۆوكزالى، قالاداعى ەلەكتر پويىزداردىڭ ايالدامالارى، پوليتسيا ۋچاسكەسى، قارتتار ءۇيى، زووپارك، تۇرعىن ۇيلەر - ۇزىن-ىرعاسى 1000 نان استام عيمارات بار.
بيلىك وكىلدەرى ۇيمە-ءۇي كىرىپ تەكسەرىپ ءجۇر. جالپى 16,5 مىڭنان استام ەۆاكۋاتسيالانادى.
مامانداردىڭ ايتۋىنشا، بومبانى زالالسىزداندىرۋعا 4 ساعاتتاي ۋاقىت كەتەدى.