09:55, 31 - مامىر 2019 | GMT +5
سەمەيلىك پوليتسەيلەر 16 جىل ۇستاتپاي كەلگەن قىلمىسكەردى قولعا ءتۇسىردى
وسكەمەن. قازاقپارات - شىعىس قازاقستان وبلىسىندا 16 جىل بۇرىن قىلمىس جاساعان كۇدىكتى الماتىدا ۇستالدى، دەپ حابارلايدى قازاقپارات ءتىلشىسى.
2003 -جىلى ءۇش ادامنان قۇرالعان قىلمىستىق توپ الىسقا قاتىناپ جۇرگەن ازاماتتىڭ «كاماز» جۇك كولىگىن تارتىپ العان. توناۋشىلاردىڭ ەكەۋى قولعا ءتۇسىپ، بىرەۋى ءىز جاسىرىپ ۇلگەرگەن ەدى. پوليتسەيلەر 9 جىل بويى ونىڭ كىم ەكەنىن انىقتاي الماعان. تەك 2012 -جىلى عانا كۇدىكتىنىڭ اتى-ءجونى انىقتالىپ، ىزدەۋ جاريالانعان بولاتىن.
«قىلمىسكەردى سەمەيلىك ساقشىلار الماتىدان ۇستادى. قازىر سونداعى ۋاقىتشا قاماۋ يزولياتورىندا. ەندى 2003 -جىلى جاساعان قىلمىسى ءۇشىن جاۋاپقا تارتىلادى»، - دەلىنگەن وبلىستىق پوليتسيا دەپارتامەنتى تاراتقان اقپاراتتا.