ۇزدىك مودەل: 16 جاستاعى بويجەتكەن «قىزىلوردا ارۋى» اتاندى

None
None
 نۇر-سۇلتان. قازاقپارات - قىزىلوردادا رەسپۋبليكالىق «ميسس قازاقستان» بايقاۋىندا ايماق ابىرويىن قورعايتىن ارۋ تاڭداپ الىندى دەپ حابارلايدى KAZ. NUR. KZ.

ايماقتىق بايقاۋ العاش رەت كوكتەمدە وتكىزىلىپ وتىر. بايقاۋعا 14 بويجەتكەن قاتىسقان.



ءداستۇر بويىنشا، بايقاۋ ۆيدەو-تانىستىرىلىمنان باستالدى. وندا ارۋلار قىسقاشا وزدەرى تۋرالى، وتباسى جانە بولاشاق جوسپارلارى جايلى ايتىپ ءوتتى.



ودان كەيىن ءارقايسىسى ءوز قابىلەتتەرىن پاش ەتتى - بيلەدى، ءان شىرقادى، قىسقا قويىلىمدار كورسەتتى.




ءۇشىنشى كەزەڭ «سۇراق-جاۋاپ» تۇرىندە ءوتتى. بويجەتكەندەر قاراپايىم جانە كۇردەلى سۇراقتارعا جاۋاپ بەردى.

مىسالى، «وتباسى ما، الدە مانساپ پا؟»، «كىممەن سەلفيگە تۇسەر ەدىڭ» سىندى سۇراقتارعا ءوز ويلارىمەن ءبولىستى.



بايقاۋ كەشكى كويلەك كورسەتىلىمىمەن اياقتالدى. ارۋلاردىڭ باسىم كوپشىلىگى قىزىل رەڭكتى كويلەكتەردى تاڭداعان.

قازىلار القاسى سوۆەت سەيىتوۆ، ايگۇل بورامبايەۆا، كاميليا كونوپيانوۆا، ءالميرا ىسقاقوۆا جانە گۇلبانۋ ءازىمحاننان قۇرالدى.




ولار كەڭەسە كەلىپ، قىزىلوردا وبلىسىنىڭ نامىسىن ەلوردادا كىم قورعايتىنىن انىقتادى.



قازىلار القاسىنىڭ شەشىمىمەن ءۇشىنشى ۆيتسە-ميسس ايگۇل تۇمەنبايەۆا، ەكىنشى ۆيتسە-ميسس ايىم بەگمات، ءبىرىنشى ۆيتسە-ميسس ايزات كەتەباي اتانسا، ال «ميسس قىزىلوردا - 2019» اتاعىنا 16 جاستاعى كاميللا سەرىكباي يە بولدى.



بايقاۋ ۇيىمداستىرۋشىلارى رەسمي پاراقشالارىندا كاميللانىڭ وبلىستاعى ۇزدىك مودەلدەردىڭ ءبىرى ەكەنىن ايتىپ وتكەن. ول حالىقارالىق جانە قازاقستاندىق بايقاۋلارعا مودەل رەتىندە قاتىسقان.

سوڭعى جاڭالىقتار