10:36, 01 - ماۋسىم 2018 | GMT +5
جامبىل وبلىسىندا ءبىر اي بۇرىن جوعالىپ كەتكەن 16 جاسار قىز تابىلدى
تاراز. قازاقپارات - جامبىل وبلىسىندا 24 -ءساۋىر كۇنى جوعالىپ كەتكەن 9-سىنىپ وقۋشىسى امان تابىلدى، دەپ حابارلايدى قازاقپارات ءتىلشىسى.
جامبىل وبلىسى جامبىل اۋدانى اقبۇلىم اۋىلىندا تۇراتىن 9-سىنىپ وقۋشىسى اقليما قابانباي 24 -ءساۋىر كۇنى تاڭەرتەڭ ەرتە، ءبارى تەگىس ۇيىقتاپ جاتقان ۋاقىتتا ۇيدەن قاشىپ كەتكەن. قايدا كەتكەنىن ەشكىم بىلمەگەن. ونىڭ اتا-اناسىنىڭ ايتۋىنشا، قىز بالا تۋا ءبىتتى نەۆرولوگيالىق دەرتپەن(جۇيكە جۇيەسىندەگى اۋرۋ - رەد.) اۋىراتىن بولعان.
وسىدان سوڭ وقۋشى قىزدىڭ جوعالىپ كەتكەنىن ايتىپ، اتا-اناسى ءتارتىپ ساقشىلارىنا شاعىم تۇسىرگەن.
كريمينالدىق پوليتسيا باسقارماسىنان ءمالىم ەتكەندەي، اقليما قابانباي تاراز قالاسىنان قۇربىلارىنىڭ ۇيىندە جاسىرىنىپ جۇرگەن جەرىنەن تابىلعان.
