ىشىنەن 16 ينە تابىلعان ءسابي وڭالىپ كەلەدى - كەسكىن

None
None
استانا. قازاقپارات - تاشكەنتتىك دارىگەرلەردىڭ ايتۋىنشا، ىشىنەن 16 ينە تابىلعان ءسابيدىڭ جاعدايى جاقسارىپ كەلەدى، دەپ حابارلايدى قازاقپارات «وزبەكستان-24» تەلەارناسىنا سىلتەمە جاساپ.

تەلەارنانىڭ رەسپۋبليكالىق جەدەل مەديتسينالىق جاردەم عىلىمي ورتالىعىنان جاساعان ارنايى رەپورتاجىندا ءبىر جاسار بالانىڭ جاعدايى جايىندا الەۋمەتتىك جەلىدە تاراعان ءتۇرلى قاۋەسەتتەر شىندىققا جاناسپايتىنى، ونىڭ جاعدايى تۇراقتانىپ كەلەتىنى ايتىلادى.

عىلىمي ورتالىقتىڭ پروفەسسورى، مەديتسينا عىلىمدارىنىڭ دوكتورى حابيبۋللا اقيلوۆتىڭ ايتۋىنشا، قازىر بالانىڭ ومىرىنە قاتەر ءتونىپ تۇرعان جوق. توعىز ساعاتقا سوزىلعان وتا بارىسىندا 13 ينە الىنعان، ال قالعان ۇشەۋى ءالى دە بالانىڭ اعزاسىندا. ءبىراق ولار بالانىڭ ومىرىنە ازىرشە اسا ۇلكەن قاۋىپ توندىرمەيدى. «بالا ەسىن جيعان. ارينە، جاعدايى جاقسى دەپ ايتۋعا ءالى ەرتە، ءبىراق ونىڭ وڭالىپ كەلە جاتقانى ءبىزدى قۋانتادى»، - دەيدى ول.

ايتا كەتسەك، kun.uz ينتەرنەت باسىلىمى 22 -قاڭتاردا وزبەكستان رەسپۋبليكالىق جەدەل مەديتسينالىق جاردەم عىلىمي ورتالىعىنا جەتكىزىلگەن ءبىر جاسار ازيزبەك ابدۋماجيدوۆتىڭ دەنەسىنەن 16 ينە تابىلعانىن حابارلاعان بولاتىن.

سوڭعى جاڭالىقتار