كىر تاسىن كوتەرۋدەن 16 جاستاعى اقمولالىق ەكى دۇركىن قازاقستان چەمپيون اتاندى - فوتو

كوكشەتاۋ. قازاقپارات - اقمولالىق كىر تاسىن كوتەرۋشى الىبەك جانبولات ەكى دۇركىن قازاقستان چەمپيون اتاندى، دەپ حابارلايدى قازاقپارات ءتىلشىسى.

اقمولا وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ دەرەگى بويىنشا، پاۆلودار قالاسىندا وتكەن كىر تاسىن كوتەرۋ بويىنشا ق ر چەمپيوناتىندا 16 جاسار اقمولالىق جارىس جەڭىمپازى اتاندى.

ەلىمىزدىڭ ءار وڭىرىنەن جينالعان 200 سپورتشىنىڭ اراسىندا 73 كەلى سالماق بويىنشا سىنعان تۇسكەن 16 جاسار الىبەك جانبولات ۇزدىك ناتيجە كورسەتىپ، ەكى دۇركىن ەل چەمپيونى اتاندى. سەلينوگراد اۋدانىنداعى بالالار مەن جاسوسپىرىمدەردىڭ سپورت مەكتەبىندە تاربيەلەنەتىن الىبەكتى اكەسى اسحات ءاشىموۆ جاتتىقتىرادى.

سونىمەن قاتار، جارىسقا قاتىسقان وزگە اقمولالىقتاردىڭ اراسىندا 95 كەلىدەن جوعارى سالماقتا نيكولاي شەربينين جانە 53 كەلى سالماقتا اندرەي دۋلين ەكىنشى ورىن الدى. ال، اندرەي گۋدىم (63 كەلى سالماقتا)، پاۆەل زاحارچۋك (78 كەلى سالماقتا) جانە رومان كورج (53 كەلى سالماقتا) ءۇشىنشى ورىننان كورىندى.

سپورتشىلارعا باحتيار جۇمابەكوۆ، سەرگەي پروحوروۆ، سالتانت حاليبەك جانە سەرگەي ارحيپوۆ جاتتىقتىرادى.

«سپورتشىلارىمىزدىڭ جەتىستىگىنە كوڭىلىم تولدى. مىقتى جاتتىعۋدىڭ ارقاسىندا وسىنداي جەتىستىككە قول جەتكىزىپ وتىرمىز»، - دەدى جاتتىقتىرۋشى س. پروحوروۆ.