الماتىدا 16 ەلدىڭ ەڭ تانىمال بالۋاندارى باق سىنايدى

جىل سايىن ۇيىمداستىرىلىپ كەلە جاتقان ءداستۇرلى دوداعا قازاقستان بالۋاندارىنان وزگە گرۋزيا، رەسەي، كورەيا، بەلارۋس، يران، ارمەنيا، ۆەنگريا، گرەكيا، ۋكراينا، پولشا، ليتۆا، تۇركيا، تايلاند، وزبەكستان تاجىكستان، قىرعىستان باستاعان 16 ەلدىڭ ەڭ تانىمال بالۋاندارى قاتىسادى.
بالۋاندار سايىسى الماتىداعى «حالىق ارەنا» سپورت سارايىندا وتەدى.
ايتا كەتەيىك، بولات تۇرلىحانوۆ - قازاق س س ر- نىڭ ەڭبەك سىڭىرگەن جاتتىقتىرۋشىسى. سەمەي ءوڭىرىنىڭ تۋماسى. سوندىقتان بولار وسىعان دەيىن اتالعان دودا جىل سايىن وسى مەزگىلدە سەمەي قالاسىندا وتەتىن. بيىل تۇڭعىش رەت الاتاۋ بوكتەرىندە وتكەلى وتىر.
حالىقارالىق بولات تۇرلىحانوۆ كۋبوگى بۇكىل الەمدىك كۇرەس كەڭەسىنىڭ (UWW) كۇنتىزبەسىنە ەنگىزىلگەن بولاتىن. وسىعان وراي بالۋاندار وليمپيادالىق ويىنعا جاتاتىن 59, 66, 75, 85, 98 جانە 130 كەلى سالماق دارەجەلەرى بويىنشا سىنعا تۇسەدى.
جارىس جەڭىمپازدارى 3 مىڭ ا ق ش دوللارى كولەمىندە سىياقى السا، ەكىنشى ورىن يەگەرى 2 مىڭ، ءۇشىنشى ورىن العاندار 1 مىڭ ا ق ش دوللارى كولەمىندە سىياقى جانە ارنايى مەدالدارمەن ماراپاتتالادى.
اۆتور: كۇنسۇلتان وتارباي