جازعى ۋنيۆەرسيادا: قازاقستان ەنشىسىندە - 16 مەدال
دەگەنمەن، قازاقستان قۇراماسىنا ناتيجەلەردى قازىردىڭ وزىندە شىعارا بەرۋگە بولادى، دەپ حابارلايدى قازاقپارات Sports.kz سايتىنا سىلتەمە جاساپ.
جارىستاردىڭ سوڭعى كۇنىندە مەدالداردىڭ ءبىر عانا جيىنتىعى ساراپقا سالىنادى. مەدالدار ءۇشىن سۋ پولوسىندا ەرلەر كوماندالارى تالاساتىن بولادى. ال قازاقستان سپورتتىڭ بۇل تۇرىنە قاتىسپايدى.
وسىلايشا، قازاقستان 2017 -جىلعى جازعى ۋنيۆەرسيادا ويىندارىندا 16 مەدال جەڭىپ الدى، ولاردىڭ 3 ەۋى - التىن، 6 كۇمىس، 7 - قولا.
«التىندى» اۋىر اتلەتتەرىمىز البەرت ليندەر (69 كەلىگە دەيىن)، ايدار قازوۆ (77 كەلى) پەن دەنيس ۇلانوۆ (85 كەلى) الىپ كەلدى.
كۇمىس جۇلدەگەرلەر - جۇزۋدەن دميتري بالاندين (200 مەترگە براسس ادىسىمەن جۇزۋدەن)، تاەكۆوندوشى جانسەل دەنيز (73 كەلى)، اۋىر اتلەتتەر رۇستەم سىباي (94 كەلى) مەن كارينا گوريچەۆا (69 كەلى)، جەڭىل اتلەت سەرگەي گريگوريەۆ (سىرىقپەن سەكىرۋ) پەن ۋ-شۋ شەبەرى رۋسلان ليبيروۆ (70 كەلى).
«قولانى» دزيۋدوشىلار رۋستام يبرايەۆ (60 كەلى)، بەكادىل شايمەردەنوۆ (73 كەلى) پەن وتگونتسەتسەگ گالبادراح (48 كەلى)، جۇزۋدەن دميتريي بالاندين (براسس ادىسىمەن 100 مەترگە ءجۇزۋ)، قازاقستاننىڭ تاەكۆوندودان ەرلەر كومانداسى، جەڭىل اتلەت ارلي چونتەي (56 كەلى) مەن ۋ-شۋ شەبەرى باعدات كەنجەتايەۆ (80 كەلى) يەلەندى.