امەريكالىق مىسىقتاردى ولتىرگەنى ءۇشىن 16 جىلعا سوتتالدى
استانا، قازاقپارات - كاليفورنيا تۇرعىنى روبەرت روي 21 مىسىقتى ولتىرگەنى ءۇشىن 16 جىل ءومىرىن تۇرمەدە وتكىزەتىن بولدى، دەپ جازادى USA Today.
باسىلىمنىڭ جازۋىنا قاراعاندا، مىسىقتار 2015 -جىلدان باستاپ جوعالا باستاعان. كەيىن ءۇي جانۋارلارى ءولى كۇيىندە تابىلعان. جاسالعان قىلمىستاردى تەرگەۋگە العان قۇقىق قورعاۋ ورگاندارى قالاداعى اۆتوتۇراقتىڭ بىرىنەن مىسىقتاردىڭ ولەكسەسى سالىنعان ماشينانى تاپتى. سول ساتتە كولىك يەسى روي سول جەردە ۇيىقتاپ جاتقان. سونداي- اق اۆتوموبيل ىشىنەن پىشاق، قولعاپ جانە مىسىق تەرىلەرى تابىلدى. قىلمىسكەر بارلىعى 21 مىسىقتى ولتىرگەن.
