مازاق بولماۋدى ويلاعان اتا-انا جۇكتى بولىپ قالعان قىزدارىن 16 جىل قاماۋدا ۇستاعان
ەلگە كۇلكى بولماۋدىڭ قامىن جاساعان اتا-اناسى، جۇكتى بولىپ قالعان قىزدى اياداي بولمەگە قاماپ تاستاعان دەپ حابارلايدى NUR. KZ پورتالى Mirror باسىلىمىنا سىلتەمە جاساپ.
ماريا لۋسيا 20 جاسىنان باستاپ ادامنىڭ ءومىر سۇرۋىنە قولايسىز جەردە تۇرىپ كەلگەن. ياعني، اياداي عانا بولمەدە اجەتحانا بىلاي تۇرعاندا، جاتىن توسەك تە بولماپتى. ول ءناجىستىڭ ءيىسى مۇڭكىگەن سۋىق ەدەنگە جاتۋعا ءماجبۇر بولعان.
وسىنداي جاعدايدا كۇن كورىپ كەلگەن ايەل پوليتسيا قىزمەتكەرلەرىنەن جاسىرىن تۇردە كومەك سۇراعاننان كەيىن عانا بوستاندىققا شىققان. پوليتسەيلەردىڭ ايتۋىنشا، قاراڭعىلىقتىڭ زاردابىن كورىپ ەسەيگەن ايەل ولاردى كورگەندە جاقىندارىن كورگەندەي قاتتى قۋانعان.
ماريانىڭ ادۆوكاتى بولسا، قىز 16 جاسىندا جۇكتى بولىپ قالعان ساتتە مازاققا قالماۋدىڭ قامىن عانا ويلاعان اكەسى قىزىن قاماۋعا الادى. ال ونىڭ بالاسى قامقورشىلارعا وتكىزىلگەن.
