ماسكەۋ تۇرعىنى 16- عاسىرداعى كونە قۇراندى تاۋىپ الدى
ول اتاسى قايتىس بولعاننان كەيىن ونىڭ كەيبىر زاتتارىن ساقتاعان ەكەن. سول زاتتاردىڭ اراسىندا كونە كىتاپ تا بولعان. ايەل كىتاپتىڭ مۇقاباسىنا قاراپ ونىڭ ەجەلگى ەكەنىن اڭداعان، الايدا ونى اۋكتسيونعا قويماقشى بولعاندا، باعالاۋشىلار قۇراننىڭ قۇنىن ميلليونعا باعالاعان.
«ءبىز ەكى رەت ساراپتاما جاساتتىق، ونىڭ ەكەۋى دە قۇراننىڭ XVI عاسىردىڭ باسىنا تيەسىلى ەكەندىگىن راستادى. ونىڭ ىشىندە قۇراننىڭ كىمگە، قاشان بەرىلگەندىگى جازىلعان پاراقشا بار، - دەيدى اناشكا حادجيمۋرادوۆا. - لوندوندا بۇل قۇرانعا 12 ميلليون ۇسىندى، كەيىن باعانى 45 ميلليونعا دەيىن كوتەرۋ تۋرالى ءسوز بولدى».
ماسكەۋ تۇرعىنى باعالى كىتاپتى ساتىپ، پايدا تاپقىسى كەلمەگەن. قىز قۇراندى مەشىتكە سىيعا تارتۋدى ۇيعارادى. «اقشامەن باقىت ساتىپ الا المايسىڭ، ءبىز ساتۋدان باس تارتتىق. ونى سىيعا تارتۋدى ءجون سانادىق. مەشىتكە كەز كەلگەن ۋاقىتتا بارىپ، قۇراندى كورۋگە بولادى. بالالارىما جانە تۋىستارىما كورسەتۋگە مۇمكىندىك بار. سەبەبى، ول جەردە كىتاپ ۇزاق ۋاقىت بويى ساقتالادى، - دەيدى كىتاپتىڭ يەسى. - قۇران كونە كىتاپ، قولمەن جازىلعان. ونى سيريادا جاساعان. ونىڭ ەش وزگەرىسسىز ساقتالعانىنا ءبارى قايران قالۋدا».
