قاراعاندى وبلىسىنىڭ قۇس فابريكاسىندا 16 مىڭ تاۋىق قىرىلىپ قالدى
استانا. قازاقپارات - قاراعاندى وبلىسى «قۇرما» قۇس فابريكاسىندا 16 مىڭنان استام قۇس قىرىلدى، دەپ حابارلادى «قازاقپارات».
«اباي اۋدانىندا «ورتالىق قۇس» ج ش س اۋماعىندا 800 مىڭ قۇستىڭ 16283 باسى قىرىلدى. قۇس فابريكاسى ديرەكتورىنىڭ سوزىنە قاراعاندا، تاۋىقتار جاڭا ازىق اكەلىنگەننەن كەيىن قىرىلا باستادى»، - دەدى وبلىستىق اكىمدىكتىڭ باسپا ءسوز قىزمەتىندە.
«قۇس فابريكاسى ۆەتەرينارلىق دارىگەرىنىڭ ايتۋىنشا، قۇستار ۋلانعان. «قۇستاردىڭ قىرىلعانىن ەستىگەن سوڭ اباي اۋدانىنىڭ ۆەتەرينارلىق ماماندارى وقيعا ورنىنا شىعىپ، قان سىنامالارى مەن پاتولوگيالىق ماتەريالدى الىپ، «ۆەتەريناريا بويىنشا ۇلتتىق رەفەرەنت ورتالىعى» ر م ك- نا جەتكىزدى. زەرتحانالىق تەكسەرىستەن كەيىن سالمونەللەز قوزدىرۋشىسى انىقتالدى»، - دەگەن تۇسىنىكتەمە بەردى وبلىستىق اكىمدىكتىڭ باسپا ءسوز قىزمەتىندەشگىلەر.
سونىمەن قاتار جوعارى پاتوگەندىك قۇس تۇماۋى مەن نيۋكاسل دەرتىن قوزدىرۋشى تابىلماعانى ايتىلدى.
وبلىستىق اكىمدىك وكىلدەرى جاعدايدىڭ باقىلاۋعا الىنعانىن جانە قازىرگى ۋاقىتتا قۇستاردىڭ قىرىلۋى توقتاعانىن جەتكىزدى. «قازىرگى تاڭدا اباي اۋدانىنىڭ مەملەكەتتىك سانيتارلىق ۆەتەرينارلىق باس ينسپەكتورى اۋدان اكىمىنە «ورتالىق قۇس» ج ش س اۋماعىندا شەكتەۋ شارالارىن ۇيىمداستىرۋ جونىندە ۇسىنىس جاسادى.
قىرىلعان قۇستار ۆەتەرينارلىق- سانيتارلىق تالاپتارعا سايكەس جويىلدى. قۇس فابريكاسى اۋماعىندا زارارسىزداندىرۋ جۇمىستار جۇرگىزىلىپ جاتىر. ءونىمدى شىعارۋعا تىيىم سالىندى»، - دەپ قوستى قاراعاندى وبلىسى اكىمدىگىنىڭ باسپا ءسوز قىزمەتىندەگىلەر.
