قاجىلاردى تاسىمالداۋعا 16 مىڭ اۆتوبۋس ءبولىنىپ وتىر

استانا. قازاقپارات - قاسيەتتى قاجىلىق ماۋسىمى كەزىندە مەككە شاھارىنا 1,33 ميلليون جان كەلەدى دەپ كۇتىلۋدە. شاھار بيلىگى قاجىلاردى تاسىمالداۋ جۇمىسىنا 16 مىڭ اۆتوبۋس ءبولىپ وتىر.

بولىنگەن اۆتوبۋستاردىڭ بارلىعى دا حالىقارالىق قاۋىپسىزدىك ەرەجەلەرىنە ساي، سونداي- اق، سوڭعى تەحنيكالىق قۇرىلعىلارمەن جابدىقتالعان. ايتا كەتەرلىگى، اتالمىش اۆتوبۋستاردىڭ 1106سى وسى جاقىندا عانا ارنايى قاجىلىق ماۋسىمى ءۇشىن ساتىپ الىنعان. بۇل ءۇشىن ساۋد ارابياسى بيلىگى 101 ميلليون دوللار جۇمساعان ەكەن.

بۇعان قوسا، قاجىلىق ماۋسىمى كەزىندە مەككە، مادينا جانە جيددا قالالارىن جالعاستىراتىن اۆتوماگيسترالدارداعى ورىن العان تەحنيكالىق اقاۋلاردى رەتتەپ وتىرۋى ءۇشىن 18 قىزمەت كورسەتۋ ورتالىعى ىسكە قوسىلعان.

Muslim.kz